2015/HC-A/112

ސިވިލް ކޯޓުން ޣައިރު ޙާޟިރުގައި 1,111,438.96 ރުފިޔާ ދައްކަންޖެހޭކަން މަދަނީ މިންގަނޑުން ސާބިތުވާކަމަށް ކަނޑައަޅައި، 6 މަސްދުވަހުގެ ތެރޭގައި ދެއްކުމަށް ޙުކުމްކުރިއެވެ. ލިޔުންތައް ހުށަނާޅާ ބައެއް ޢަދަދުތަކާމެދު ފައިޞަލާއެއް ނުކުރެއެވެ.

2007 އިން 2009 އާ ހަމައަށް ސިޔާސީ ޕާޓީއަކަށް ދިދަ ދަނޑި، ޤައުމީ ދިދަ އަދި ދަތުރުފަތުރުގެ ޚިދުމަތް ފޯރުކޮށްދިނުމުގެ އަގުގެ ގޮތުގައި 1,113,587.96 ރުފިޔާ ހޯދުމަށް ޚިދުމަތް ދިން ކުންފުނިން ދަޢުވާކުރިއެވެ.

އިސްތިއުނާފުކުރި ފަރާތުން ބުނީ، އިންވޮއިސްތަކާއި ކޮންޓްރެކްޓްތަކާއި ކްރެޑިޓް ބިލްތަކުގައި ޕާޓީން ސޮއިކޮށްފައިނުވާއިރު، ޚިދުމަތް ދިންކަން ސާބިތުކުރުމުގެ ބުރަ ކުންފުންޏަށް މަތިނުކޮށް ޙުކުމްކުރި ކަމަށެވެ.

ޚިދުމަތް ދިނުމުގެ އަގު ހޯދުމަށް ކުރި ދަޢުވާއެއްގައި، އިންވޮއިސްތަކާއި ކްރެޑިޓް ބިލްތަކުގައި ޚިދުމަތް ހޯދި ފަރާތުން ސޮއިކޮށްފައިނުވާއިރު، ޚިދުމަތް ދިންކަން ސާބިތުކުރުމުގެ ބުރަ ދަޢުވާކުރި ފަރާތުން އުފުލާފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޚިދުމަތް ފޯރުކޮށްދީފައިވަނީ ޕާޓީގެ ލެޓަރ ހެޑްގައި ފަހުން ބިލްކުރާގޮތަށް އެދުމުން ކަމާއި، އެ ސިޓީތަކާއި އިންވޮއިސްތަކާއި ކްރެޑިޓް ބިލްތައް ހުށަހަޅާފައިވާތީ ދަޢުވާ މަދަނީ މިންގަނޑުން ސާބިތުވާ ކަމަށެވެ.