ޢަލީ މުރުތަޟާ ވ. ރައުފިއްޔާ ޙުސައިން

މާފުށި މެޖިސްޓްރޭޓް ކޯޓުން، ކުއްޔަށް ހިފި ފަރާތުގެ އިޢުތިރާފުން ޚިލާފުވިކަން ސާބިތުވާތީ އެގްރީމެންޓު ބާޠިލުވެފައިވާކަމަށް ކަނޑައަޅައި 15 ދުވަހުގެ ތެރޭގައި ތަން ހުސްކޮށް ޙަވާލުކުރުމަށް ޙުކުމްކުރި.

ބަންޑާރަ ގޯއްޗެއް 20 އަހަރަށް ކުއްޔަށް ދިނުމަށް 2013 ގައި ވެވުނު އެގްރީމެންޓުގެ 7 ވަނަ މާއްދާގައިވާ ނަރުދަމާ ފީ ނުދެއްކުމާއި ކޮންޓްރެކްޓާބެހޭ ޤާނޫނުގެ 14 ވަނަ މާއްދާގައިވާ 2 ކޮޓަރީގެ އެޕާޓްމަންޓް 1 އަހަރު ތެރޭގައި ނިންމައި ނުދިނުމުން ގޯތީގެ ވެރިފަރާތުން އެގްރީމެންޓު ބާޠިލުކުރަން އެދުނު.

އިސްތިއުނާފުކުރި ފަރާތުން ބުނީ އެގްރީމެންޓު އުވާލެވޭނެ ޙާލަތު ބެލިފައިނުވާކަމަށާއި، ދަޢުވާކުރި ފަރާތަށް ގެއްލުމެއް ނުވާކަމަށާއި ހެޔޮނިޔަތުގައި ނޫންކަމަށާއި، ބަންދު ދުވަހެއްގައި ދިފާޢުގެ ފުރުޞަތު ނުދީ ޙުކުމްކުރިކަމަށާއި، އިންވެސްޓްމަންޓާ މެދު ގޮތެއް ނުނިންމާކަމަށް.

ގޯތި ކުއްޔަށް ދިނުމުގެ އެގްރީމެންޓުގެ ޖައުހަރީ މާއްދާތަކާ ކުއްޔަށް ހިފި ފަރާތް ޚިލާފުވުމުން އެގްރީމެންޓު ބާޠިލުކުރުމަކީ ޞައްޙަ ނިންމުމެއްތޯއާއި، ބަންދު ދުވަހެއްގައި މައްސަލަ ހިންގުމުން ދިފާޢުގެ ފުރުޞަތު ގެއްލުނުތޯއާއި، އިންވެސްޓްމަންޓާ މެދު ގޮތެއް ނުނިންމުމުން ޙައްޤެއް ގެއްލުނުތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޚިލާފުވި މާއްދާތަކަކީ ޖައުހަރީ މާއްދާތަކެއްކަމަށާއި، އެކަން އިޢުތިރާފުން ސާބިތުވާކަމަށާއި، މަޝްވަރާއިން ޙައްލުނުވެގެން ކޯޓަށް ދިޔަކަމަށާއި، ބަޔާންދިނުމުގެ ފުރުޞަތު ލިބިފައިވާކަމަށާއި، ޚަރަދުގެ ބަދަލު ވަކިން ދަޢުވާކުރެވޭނެކަމަށް.