ޢަބްދުލްބާޞިތު މުޙައްމަދު ވ. ޕްރޮސިކިއުޓަރ ޖެނެރަލް

މަޑިފުށީ މެޖިސްޓްރޭޓް ކޯޓުން ކުށް ސާބިތުވާކަމަށް ކަނޑައަޅައި 10 އަހަރު ދުވަހުގެ ޖަލު ޙުކުމެއް ކުރިއެވެ.

ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ޤަޞްދުގައި އަތްލުމުގެ ދަޢުވާ ދައުލަތުން އިސްތިއުނާފުކުރި ފަރާތުގެ މައްޗަށް އުފުލިއެވެ.

އިސްތިއުނާފުކުރި ފަރާތުން ބުނީ އޭނާއަކީ ސިކުނޑީގެ ބަލިކަމެއް ހުރި، ޖިނާއީ ޒިންމާ އުފުލުމުގެ ފުރިހަމަ މުކައްލަފެއް ނޫން މީހެއްކަން ތަޙްޤީޤާއި ޝަރީޢަތުގައި ބަލާފައިނުވާ ކަމަށާއި، ހެކި ވަޒަންކުރީ 12/2009 ގެ 47 ވަނަ މާއްދާއާ ޚިލާފަށް ކަމަށެވެ.

ކުޑަކުއްޖެއްގެ ހަށިގަނޑުގައި ޖިންސީ ނިޔަތެއް އޮވެގެން ޤަޞްދުގައި އަތްލުމުގެ މައްސަލައެއްގައި ދަޢުވާ ލިބިގަތުމަށް ނުކުޅެދިގެންވާކަމުގެ ދިފާޢު ބަލައިގަނެވޭތޯއާއި، ޤާނޫނު ނަންބަރު 12/2009 ގެ 47 ވަނަ މާއްދާގައިވާ 5 ބާވަތެއްގެ ހެކި ހަމަނުވާއިރު ކުށް ސާބިތުވާކަމަށް ކަނޑައެޅިދާނެތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ތަކުރާރުކޮށް ފުރުޞަތު ދިނުމަށްފަހުވެސް ސައިކޮލޮޖިކަލް ރިޕޯޓު ހުށަނާޅާތީ 121 (ށ) ގެ ދަށުން ދިފާޢު ބަލައިނުގަނެ، 5 ބާވަތުގެ ހެކި ހަމަނުވިޔަސް ކުއްޖާގެ ހެކިބަހާއި އެއާ އެއްގޮތްވާ ހެކިބަސްތަކުން ކުށް ސާބިތުވާތީ، ދަށުކޯޓުގެ ޙުކުމް ބާޠިލުކުރާނެ ސަބަބެއް ނެތެވެ.