ޢަބްދުﷲ ޢަލީ ވ. ފަޟްލާ އިބްރާހީމް

ކެނދިކުޅުދޫ މެޖިސްޓްރޭޓް ކޯޓުން 43,650ރ. އިން 6,765ރ. ކަނޑައި ބާކީ 36,885ރ. 6 މަހުގެ ތެރޭގައި ދެއްކުމަށާއި، ފުރަތަމަ ފަހަރު ކަމަށް ބަލައި ޢާއިލާއާބެހޭ ޤަވާއިދުގެ 67 ވަނަ މާއްދާގެ ދަށުން 1 މަހަށް ގޭގައި ބަންދުކުރުމަށް ޙުކުމްކުރި.

2006 ގައި ވަރިވި ދެމީހުންގެ ދަރިފުޅުގެ ސާބިތު ޚަރަދު 2007 ގެ ޙުކުމާ އެއްގޮތަށް ބައްޕަ ނުދައްކާ ކަމަށް ބުނެ މަންމަ ހުށަހެޅި މައްސަލައެކެވެ.

އިސްތިއުނާފުކުރި ފަރާތުން ބުނީ ކޯޓަށް ދެއްކި ފައިސާ ކަށަވަރުނުކޮށް ހަމައެކަނި ދަޢުވާކުރި ފަރާތުގެ ބަހަށް ބުރަވެ ނިންމި ކަމަށާއި، ފުރަތަމަ ފަހަރަށް ހުށަހެޅޭ މައްސަލައެއްގައި ޢާއިލާއާބެހޭ ޤަވާއިދުގެ 67 ވަނަ މާއްދާގައިވާ ގޮތާ ޚިލާފަށް ޙުކުމްކުރި ކަމަށެވެ.

ދަރިފުޅުގެ ސާބިތު ޚަރަދުގެ ޙުކުމާ އެއްގޮތަށް ނުދައްކާ އޮތް ޢަދަދު ކަނޑައެޅުމުގައި ދައްކާފައިވާ ފައިސާ ކަށަވަރުކުރަންވީ ގޮތާއި، ސާބިތު ޚަރަދު ނުދީގެން ހުށަހެޅޭ މައްސަލައެއްގައި ޢާއިލާއާބެހޭ ޤަވާއިދުގެ 67 ވަނަ މާއްދާގެ ކޮން ބަޔެއްގެ ދަށުން ފިޔަވަޅު އަޅަންވީތޯ.

ބައެއް ބަދަލުކުރި (ނުދައްކާ އޮތް ޢަދަދު 29,550ރ. ކަމަށް ކަނޑައަޅައި 5 މަސްދުވަހުގެ ތެރޭގައި ދެއްކުމަށް)

ހައިކޯޓުން ކޯޓުތަކުން ހޯދި ރެކޯޑުތަކާއި ބޭންކު ސްލިޕްތަކަށް ބަލައި ދެއްކި ޖުމްލަ 14,115ރ. ކަނޑައި ނުދައްކާ އޮތް ޢަދަދު 29,550ރ. ކަމަށް ކަނޑައެޅިއެވެ. މި މައްސަލައަކީ ދެވަނަ ފަހަރަށް ހުށަހެޅުނު މައްސަލަ ކަމުން ޢާއިލާއާބެހޭ ޤަވާއިދުގެ 67 ވަނަ މާއްދާގެ (ށ) ގެ ދަށުން ފިޔަވަޅު އެޅުން ރަނގަޅެވެ.