އާއިޝަތު ޤުރައިޝާ ވ. އެޓަރނީ ޖެނެރަލްގެ އޮފީސް

ސިވިލް ކޯޓުން ނިންމީ ދީފައިވާ މަޢުލޫމާތު ސައްޙަ ނޫންކަން ސާބިތުވާތީ ލިސްޓުން ނަން އުނިކުރުމަކީ ޚިލާފު ކަމެއް ނޫންކަމަށާއި ފްލެޓް ދޫކުރުމަށް އަމުރުކުރާނެ ހަމައެއް ނެތްކަމަށެވެ.

ވެށިފަހި މާލެ ޕްރޮގްރާމްގެ 'ސީ' ކެޓަގަރީން ފްލެޓް ލިބޭ ދާއިމީ ލިސްޓުގައި އިސްތިއުނާފުކުރި ފަރާތުގެ ނަން ހިމެނިފައިވަނިކޮށް، މާލޭގައި ދިރިއުޅުނު މުއްދަތާ ބެހޭގޮތުން ފޯމުގައި ދީފައިވާ މަޢުލޫމާތު ސައްޙަ ނޫންކަން އެންޓި ކޮރަޕްޝަން ކޮމިޝަނުގެ ތަޙްޤީޤުގައި އޭނާ އިޢުތިރާފުވުމާ ގުޅިގެން ޕޮއިންޓް މުރާޖަޢާކޮށް ލިސްޓުން ނަން އުނިކުރެވުނެވެ.

އިސްތިއުނާފުކުރި ފަރާތުން ބުނީ ފުލުހުންގެ ލިޔުމާ ޚިލާފަށް، ސުޕްރީމް ކޯޓުގެ 2012/SC-A/35 ގެ ދުސްތޫރީ ހަމަތަކާ ޚިލާފަށް، ހެކިން ޙާޟިރުނުކޮށް ލިޔުމުން، އަދި ޤާނޫނުއަސާސީގެ މާއްދާތަކަށް އަހައްމިއްޔަތު ނުދީ މައްސަލަ ނިންމި ކަމަށެވެ.

ވެށިފަހި މާލެ ޕްރޮގްރާމްގެ 'ސީ' ކެޓަގަރީގެ ފްލެޓް ލިބޭ މީހުންގެ ދާއިމީ ލިސްޓުން، ޕޮއިންޓް ހޯދުމަށް ދީފައިވާ މަޢުލޫމާތު ސައްޙަ ނޫންކަމަށް ފެނިގެން ނަން އުނިކުރުމަކީ ޝަރުޢީ އަދި ޤާނޫނީ ބިނާއެއް ނެތި ކުރި ކަމެއްތޯ، އަދި ފޯމުގެ މަޢުލޫމާތު ތެދުކަން ސާބިތުކުރަން ހުށަހެޅި ހެކިން ޙާޟިރުނުކުރުމަކީ ޚިލާފު ކަމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އިސްތިއުނާފުކުރި ފަރާތުގެ އަމިއްލަ އިޢުތިރާފުން ފޯމުގެ މަޢުލޫމާތު ދޮގުކަން އެނގޭތީ ވުޒާރާއިން ޢަމަލުކޮށްފައިވަނީ ބިނާއެއް ނެތި ނޫނެވެ. ފުލުހުންގެ ލިޔުމަކީ އިޢުތިރާފު ނަފީކުރާ ލިޔުމެއް ނޫނެވެ. އަމިއްލަ އިޤުރާރާ ދެކޮޅަށް ހުށަހެޅި ހެކިން ޙާޟިރުކުރަން ނުޖެހެއެވެ.