ޕްރޮސިކިއުޓަރ ޖެނެރަލް ވ. ރުޝާން އަޙްމަދުދީދީ

ބަންދުގެ މުއްދަތު އިތުރުކުރަން ފުލުހުން އެދުނުއިރު، މައްސަލައާ ގުޅުންހުރި ހެއްކެއް ހުށަހަޅާފައި ނުވާކަމަށް ބުނެ ހިތަދޫ މެޖިސްޓްރޭޓް ކޯޓުން ބަންދުން ދޫކޮށްލަން އަމުރުކުރިއެވެ.

މަސްތުވާތަކެތި ރާއްޖެއަށް އެތެރެކޮށް ވިޔަފާރިކުރުމުގެ ތުހުމަތުގައި ހައްޔަރުކުރެވުނު ފަރާތެއް، ހެކި ހުރިކަމަށާއި މުޖުތަމަޢުގެ ސަލާމަތަށް ނުރައްކާކަމަށް ކަނޑައަޅައި މެޖިސްޓްރޭޓް ކޯޓުން ދެފަހަރު ބަންދުގައި ބެހެއްޓުމަށް އަމުރުކޮށްފައިވިއެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59، 60 ވަނަ މާއްދާތަކާ ޚިލާފު، ނުބައިލަވާ ކުށްތަކާބެހޭ މާއްދާއަށް ރިޢާޔަތްނުކޮށް، ޤާނޫނުއަސާސީގެ 143(ރ) އާ ޚިލާފަށް ނެރުނު އަމުރެއް ކަމަށެވެ.

މަސްތުވާތަކެތި އެތެރެކޮށް ޓްރެފިކްކުރުމުގެ ތުހުމަތުގައި ބަންދުކޮށްފައިވާ މީހެއްގެ މައްޗަށް ހެކި ނެތްކަމަށް ބުނެ، ކުރިން ހެކި ހުރިކަމަށް ކަނޑައަޅާފައިވާ ހާލު ބަންދުން ދޫކޮށްލުމަށް މެޖިސްޓްރޭޓް ކޯޓުން ނެރުނު އަމުރު ޤާނޫނާ އެއްގޮތްތޯ.

މެޖިސްޓްރޭޓް ކޯޓުގެ އަމުރު ބާޠިލު؛ ޝަރީޢަތް ނިމެންދެން ބަންދުގައި ބެހެއްޓުމަށް އަމުރުކުރި

ކުރީގެ އަމުރުތަކަށް ހުށަހެޅި ހަމަ ހެކިތަކުން ތުހުމަތެއް އުފެދޭ މިންވަރުގެ ހެކި ހުރިކަން އެނގޭތީއާއި، ޓްރެފިކްކުރުމަކީ ޖިނާއީ ބޮޑު ކުށަކަށްވެ ދޫވުމަކީ މުޖުތަމަޢުގެ ސަލާމަތަށް ނުރައްކަލެއްކަމަށްވާތީއެވެ.