ޕްރޮސިކިއުޓަރ ޖެނެރަލް ވ. ނެތް

ރަޖިސްޓްރާރ ދަޢުވާ ބަލައިނުގަނެ އަނބުރާ ފޮނުވިއެވެ؛ އަލުން ބަލައި ކްރިމިނަލް ކޯޓުގެ އިސްޤާޟީ ރަޖިސްޓްރާރގެ ނިންމުމަށް ތާއީދުކުރިއެވެ.

ޕްރޮސިކިއުޓަރ ޖެނެރަލްގެ އޮފީހުން ކްރިމިނަލް ކޯޓަށް ހުއްދަނޫން ގޮތެއްގައި ބާރު ހިންގުމުގެ ދަޢުވާއެއް ހުށަހެޅިއިރު، ދަޢުވާލިބޭ މީހާ މިހާރު އުޅޭ އެޑްރެހެއްގެ ގޮތުގައި ހަމައެކަނި "މާލެ" ލިޔެފައި އޮތެވެ.

ޕްރޮސިކިއުޝަނުން ބުނީ ދަޢުވާލިބޭ މީހާއަކީ ބޯހިޔާވަހިކަމެއް ނެތް މީހެއްކަމަށާއި ދަޢުވާ ބަލައިނުގަތުމަކީ ތަފާތުކުރުމާއި އަވަސް ޝަރީޢަތުގެ ޙައްޤުން މަޙްރޫމުކުރުން ކަމަށާއި، އެޑްރެސް އަކީ ފޯމުގެ އުޞޫލީ ބައެއް ނޫންކަމަށެވެ. ރައްދުވާ ޚަޞްމެއް ނެތެވެ.

ޖިނާއީ ދަޢުވާ ހުށަހަޅާ ފޯމުގައި ދަޢުވާލިބޭ މީހާގެ "މިހާރު އުޅޭ އެޑްރެސް" ގެ ގޮތުގައި ހަމައެކަނި ރަށުގެ ނަން ލިޔުމުން ދަޢުވާ ބަލައިނުގަތުމަކީ ޤާނޫނުއަސާސީގެ 17، 20 އަދި 51 ވަނަ މާއްދާތަކާއި ޚިލާފު ކަމެއްތޯއާއި، މިހާރު އުޅޭ އެޑްރެސް އަކީ ފޯމުގެ އުޞޫލީ ބައެއްތޯ.

އިސްތިއުނާފު ބާޠިލް، ކްރިމިނަލް ކޯޓުގެ ނިންމުން ޤާއިމް

ޤާނޫނުއަސާސީގެ 51 ވަނަ މާއްދާގެ ޙައްޤުތައް ފެށެނީ ދަޢުވާ ކޯޓަށް ބަލައިގަތުމުން ކަމަށްވާތީ ތަފާތުކުރުމެއް ނުހިނގައެވެ؛ މިހާރު އުޅޭ އެޑްރެސް އަކީ އިޚްތިޞާޞާއި ޙާޟިރުކުރުމުގެ އަމުރަށް ބޭނުންވާ އުޞޫލީ ބައެއް ކަމަށާއި، ދައުލަތުން އެ މަޢުލޫމާތު ކަށަވަރުކުރުމަށް މަސައްކަތެއް ނުކުރެއެވެ.