ޕްރޮސިކިއުޓަރ ޖެނެރަލް ވ. މޫސާ މަނިކު

ދައުލަތުން ވަކީލަކު ހަމަޖައްސައިދިނުމުގެ ޙައްޤު މަޙްރޫމްކޮށް ނެގި ބަޔާނެއް ކަމަށް ބުނެ، ބަޔާނާއި ރެކޯޑިންގ ހެކީގެ ގޮތުގައި ބަލައިނުގަތުމަށް މެޖިސްޓްރޭޓް ކޯޓުން ނިންމިއެވެ.

ކުޑަކުއްޖެއްގެ ހަށިގަނޑުގައި ޖިންސީ ނިޔަތެއްގައި އަތްލުމާއި ކުޑަކުއްޖަކަށް ޖިންސީ ގުނަވަން ދެއްކުމުގެ ތުހުމަތުގައި ދަޢުވާކުރި މައްސަލައެއްގައި، ތުހުމަތުކުރެވޭ ފަރާތް 27 އޯގަސްޓް 2020 ގައި ވަކީލަކާ ނުލައި ދިން އިޢުތިރާފު ބަޔާނާއި ރެކޯޑިންގ ދައުލަތުން ހެއްކެއްގެ ގޮތުގައި ހުށަހެޅިއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ ނިންމުމަކީ ޖިނާއީ އިޖުރާއަތުގެ ޤާނޫނުގެ 46(ދ) އާއި ޤާނޫނުއަސާސީގެ 143(ރ) އާ ޚިލާފު ނިންމުމެއް ކަމަށެވެ.

ޖިނާއީ އިޖުރާއަތުގެ ޤާނޫނަށް ގެނެވުނު 3 ވަނަ އިޞްލާޙުގެ ކުރިން، ދައުލަތުން ވަކީލަކު ހަމަނުޖައްސައި ނެގި އިޢުތިރާފު ބަޔާނާއި އިންޓަވިއު ރެކޯޑިންގ، އެ އިޞްލާޙަށް ރިޢާޔަތްކޮށް ހެއްކެއްގެ ގޮތުގައި ބަލައިނުގަތުމަކީ ޤާނޫނާ އެއްގޮތް ނިންމުމެއްތޯ.

ދަށުކޯޓުގެ ނިންމުން ބާޠިލު (ބަޔާނާއި ރެކޯޑިންގ ހެކީގެ ގޮތުގައި ބަލައިގަންނަންޖެހޭ)

ބަޔާން ނެގިއިރު އެ ކުށަކީ ޖިނާއީ ބޮޑު ކުށެއްގެ ގޮތުގައި ހިމެނިފައިވާ ކުށެއް ނޫންކަމާއި، 3 ވަނަ އިޞްލާޙު ރަޖުޢީކޮށް ތަޠުބީޤު ނުކުރެވޭނެ ކަމުން، ދައުލަތުން ވަކީލަކު ހަމަޖައްސަންޖެހޭ މައްސަލައެއް ނޫން ކަމަށާއި، ބަޔާނަކީ ޞައްޙަ އިޖުރާއަތުގެ ދަށުން ނެގި ބަޔާނެއް ކަމަށް ކަނޑައެޅިއެވެ.