ޕްރޮސިކިއުޓަރ ޖެނެރަލް ވ. މުޙައްމަދު ނާޘިމް

ޑްރަގް ކޯޓުން، އިޢުތިރާފަކީ ކޯޓު އަމުރެއް ނެތި ހުއްޓުވައި ހޯދި އިޢުތިރާފެއްކަމަށް 2014/SC-A/18 ޤަޟިއްޔާއަށް ބިނާކޮށް ބަލައި، ޖިނާއީ އިޖުރާއަތުގެ ޤާނޫނުގެ 115 ވަނަ މާއްދާގެ (ހ) ގެ ދަށުން ދަޢުވާ ކުރިއަށް ގެންދެވޭނެ ތަނެއް ނެތްކަމަށް ކަނޑައަޅައި ދަޢުވާ ބާޠިލުކުރިއެވެ.

ރ. ހުޅުދުއްފާރަށް މަސްތުވާތަކެތި ގެންނަ ކަމުގެ މަޢުލޫމާތު ލިބުމުން ފުލުހުން ބަނދަރުން ތުހުމަތުކުރެވޭ ފަރާތް ހުއްޓުވައި ބަލައި ފާސްކުރިއެވެ. ތަޙްޤީޤުގައި ކެނެބިސް ބޭނުންކުރާކަމަށް އިޢުތިރާފުވުމުން، މަސްތުވާތަކެއްޗާބެހޭ ޤާނޫނުގެ 115 ވަނަ މާއްދާގެ ދަށުން ކެނެބިސް ބޭނުންކުރުމުގެ ދަޢުވާ ޑްރަގް ކޯޓުގައި ކުރެވުނެވެ.

ޕްރޮސިކިއުޓަރ ޖެނެރަލް ބުނީ ނިންމުމަކީ ޖިނާއީ އިޖުރާއަތުގެ ޤާނޫނުގެ 38 ވަނަ މާއްދާގެ (ރ) ގެ (2) އާ ޚިލާފު ނިންމުމެއް ކަމަށާއި 2014/SC-A/18 ތަޠްބީޤުކޮށްފައިވަނީ ރަނގަޅަށް ނޫން ކަމަށެވެ. ތުހުމަތުކުރެވޭ ފަރާތް ބުނީ ޑްރަގް ކޯޓުން ނިންމާފައިވަނީ ރަނގަޅަށް ކަމަށެވެ.

ކެނެބިސް ބޭނުންކުރުމުގެ ދަޢުވާއަށް ތުހުމަތުކުރެވޭ ފަރާތް އިޢުތިރާފުވެފައިވާ މައްސަލައެއްގައި، ޖިނާއީ އިޖުރާއަތުގެ ޤާނޫނުގެ 115 ވަނަ މާއްދާގެ (ހ) ގެ ދަށުން ޑްރަގް ކޯޓުން ދަޢުވާ ކުރިއަށް ނުގެންދެވޭނެ ކަމަށް ކަނޑައަޅައި ބާޠިލުކުރުން ރަނގަޅުތޯ؛ އަދި ކޯޓު އަމުރެއް ނެތި ހުއްޓުވައިގެން ލިބުނު އިޢުތިރާފަށް ސުޕްރީމް ކޯޓުގެ 2014/SC-A/18 ޤަޟިއްޔާ ތަޠްބީޤުކުރެވޭތޯ.

ޑްރަގް ކޯޓުގެ ނިންމުން ބާޠިލުކޮށް، މައްސަލަ ބެލުމަށް ޑްރަގް ކޯޓަށް ތަޙްވީލުކުރި (އަލުން ބެލުމަށް ފޮނުވި)

ގިނަ ރައުޔަކީ ދަޢުވާއަށް އިޢުތިރާފުވެފައިވާ މައްސަލައެއްގައި އަދި ޑްރަގް ކޯޓުގައި ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 115 ވަނަ މާއްދާގެ (ހ) ތަޠްބީޤުނުކުރެވޭނެ ކަމާއި، މައުޟޫޢީ ގޮތުން ނުބަލާ ނިންމާފައިވާތީ ތަޙްވީލުކުރަންޖެހޭ ކަމެވެ. ފަނޑިޔާރު ފަރްހީޒާ ވަކި ސަބަބުތަކެއްގެ ދަށުން އެއް ނަތީޖާއަށް ދިޔައީ، 2014/SC-A/18 ގެ ވާޤިޢާތައް ތަފާތުކަމާއި އިޢުތިރާފުގެ ޞައްޙަކަން ނުގެއްލޭކަން ފާހަގަކޮށްގެންނެވެ.