ޕްރޮސިކިއުޓަރ ޖެނެރަލް ވ. މަރްޔަމް ޢަބްދުއްރަޙްމާން

އިޢުތިރާފުގެ މައްޗަށް ޒިނޭގެ ކުށް ސާބިތުކޮށް، ފުރަތަމަ ފަހަރުކަމަށްވާތީ 100 އެތިފަހަރުން ޙައްދު ޖަހައި 1 އަހަރު ގޭބަންދަށް ޙުކުމްކުރި.

ދަޢުވާ ލިބޭ ފަރާތް ކާވެންޏަކާ ނުލައި ދަރިއަކު ވިހައި، އެއީ ޒިނޭކުރުމުން ލިބުނު ދަރިއެއްކަމަށް ބުނެ ދަށުކޯޓުގެ ޝަރީޢަތުގެ މަޖިލީހުގައި އިޢުތިރާފުވި.

ޕްރޮސިކިއުޓަރ ޖެނެރަލް އެދުނީ އިޢުތިރާފު ޞައްޙަކަން، ޤާނޫނުއަސާސީގެ ޙައްޤުތައް ލިބިދީފައިވާކަން އަދި ޙައްދު މަނާކުރާ ސަބަބެއް ނެތްކަން ކަށަވަރުކޮށް ޙުކުމް ނިހާއީ ކޮށްދިނުމަށެވެ.

ދަށުކޯޓުން އިޢުތިރާފުގެ މައްޗަށް ޒިނޭގެ ކުށް ސާބިތުކޮށް ޙައްދާއި ގޭބަންދު ކަނޑައެޅި ޙުކުމަކީ (ސުޕްރީމް ކޯޓުގެ ސަރކިއުލަރގެ ދަށުން ނިހާއީ ކުރުމަށް) ޝަރުޢީ އަދި ޤާނޫނީ އުޞޫލުތަކާ އެއްގޮތަށް ކޮށްފައިވާ ޞައްޙަ ޙުކުމެއްތޯ؛ އިޢުތިރާފު ޞައްޙަތޯ، ޤާނޫނުއަސާސީގެ ޙައްޤުތައް ލިބިދީފައިވޭތޯ، ޙައްދު މަނާކުރާ ސަބަބެއް އޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ދަޢުވާ ލިބޭ ފަރާތަށް ދަޢުވާ އަންގައި ވަކީލުގެ ފުރުޞަތު ދީފައިވާއިރު އޭނާ އެ ޙައްޤު ދޫކޮށްލާފައިވާތީ، އަދި ހައިކޯޓުގައިވެސް އިޢުތިރާފަކީ އަމިއްލަ އިޚްތިޔާރުގައި ވެފައިވާ އިޢުތިރާފެއްކަން ކަށަވަރުކުރެވި، ރުޖޫޢުވެފައި ނުވާތީ، އަދި ޙައްދު މަނާކުރާ ސަބަބެއް ބުނެފައި ނުވާތީ ޙުކުމް ޞައްޙަކަމަށް ކަނޑައެޅި.