ޕްރޮސިކިއުޓަރ ޖެނެރަލް ވ. އިސްމާއިލް ޝިފާޢު

ކްރިމިނަލް ކޯޓުން، ޖަދުވަލު 2 ގެ ތަކެތީގެ ބަރުދަން ޑޯސެޖުން ނޫން ގްރާމުން ބަލާފައިވާތީ ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 141 ވަނަ މާއްދާގެ (ބ) އާ ޚިލާފުކަމަށް ބަލައި، ޝަރީޢަތުގެ ކުރިން ހުށަހެޅި ހުށަހެޅުން ޤަބޫލުކޮށް މައްސަލަ މައުޟޫޢީ ގޮތުން ކުރިއަށް ނުގެންދެވޭނެކަމަށް ނިންމިއެވެ.

ކޯޓު އަމުރެއްގެ ދަށުން ގެއެއް ބަލައިފާސްކުރުމުން ފެނުނު ކޮތަޅެއްގައި 25.94 ގްރާމް މަސްތުވާތަކެތި (މޯފިން، ޑައަމޯފިން އަދި ގިނައިން އެލްޕްރަޒޮލަމް) ހުރިކަމަށް ތަޙްލީލު ރިޕޯޓުން ދެއްކުމުން، ޖަދުވަލު 2 ގެ މަސްތުވާއެއްޗެއް ޓްރެފިކްކުރުމުގެ ދަޢުވާ އުފުލުނެވެ.

ދައުލަތުން ބުނީ ނިންމުމަކީ ޤާނޫނުއަސާސީގެ 61 ވަނަ މާއްދާއާއި މަސްތުވާތަކެއްޗާބެހޭ ޤާނޫނުގެ 141 އަދި 142 ވަނަ މާއްދާތަކާ ޚިލާފު ނިންމުމެއް ކަމަށެވެ. ދަޢުވާލިބޭ ފަރާތުން ދަށުކޯޓުގައި ބުނީ ބަރުދަން ކަނޑައަޅާފައިވަނީ ޤާނޫނާ ޚިލާފަށް ކަމަށެވެ.

ޖަދުވަލު 2 ގެ މަސްތުވާއެއްޗެއް ޓްރެފިކްކުރުމުގެ ދަޢުވާއެއްގައި، މަސްތުވާތަކެތީގެ ބަރުދަން ޑޯސެޖުން ނޫން ގްރާމުން ބަޔާންކޮށްފައިވާތީ މަސްތުވާތަކެއްޗާބެހޭ ޤާނޫނުގެ 141 ވަނަ މާއްދާގެ (ބ) އާ ޚިލާފުވާކަމަށް ބަލައި، މައްސަލަ މައުޟޫޢީ ގޮތުން ކުރިއަށް ނުގެންދެވޭނެކަމަށް ކްރިމިނަލް ކޯޓުން ނިންމުން ރަނގަޅުތޯ.

ދަށުކޯޓުގެ ނިންމުން ބާޠިލު، މައްސަލަ ބަލައި ފައިޞަލާކުރުމަށް ކްރިމިނަލް ކޯޓަށް އަލުން ފޮނުވި

ގިނައިން ހުރީ ޖަދުވަލު 2 ގެ ތަކެތި ކަމަށްވާތީ ޖުމްލަ ބަރުދަން ބަލަންޖެހޭކަމާއި، ޑޯސް ގްރާމުންވެސް ބަޔާންކުރެވޭތީ ގްރާމުން ބަރުދަން ބަޔާންކުރުމަކީ ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 141 ވަނަ މާއްދާއާ ޚިލާފުކަމެއް ނޫންކަމެވެ.