ޕްރޮސިކިއުޓަރ ޖެނެރަލް ވ. އިބްރާހީމް ޒާއިފް މުޙައްމަދު

ހެކި ރައްކާތެރިކުރުމުގެ ދާއިމީ އަމުރެއް ނެރެނުދެވޭނެކަމަށާއި، ހުރިހާ ހެކީގެ ކޮޕީ ދަޢުވާލިބޭ ފަރާތަށް ދިނުމަށާއި، ހެކި ޢާންމުވެއްޖެނަމަ ފިޔަވަޅު އެޅޭނެކަމަށް މެޖިސްޓްރޭޓް ކޯޓުން ނިންމިއެވެ.

ކުޑަކުއްޖަކާ ގުޅޭ ޖިންސީ ކުށުގެ ދަޢުވާއެއްގައި ދައުލަތުން ހުށަހެޅި ހެކި (ކުއްޖާގެ ބަޔާން، އިންޓަވިއު ވީޑިއޯ، އެސެސްމަންޓް ރިޕޯޓުތައް، ފޮޓޯ ރިޕޯޓު، އިތުރު ކުޑަކުއްޖަކު ދިން ބަޔާން) ދަޢުވާލިބޭ ފަރާތަށް ނުދީ ކޯޓުގައި ބެލުމުގެ އިންތިޒާމަކަށް އެދި ރައްކާތެރިކުރުމުގެ އަމުރެއް ނެރުނެވެ. ދަޢުވާލިބޭ ފަރާތުން ހެކީގެ ކޮޕީއަށް އެދި ޝަރީޢަތުގެ ކުރިން ހުށަހެޅުމެއް ހުށަހެޅިއެވެ.

ދައުލަތުން ބުނީ ނިންމުމަކީ ޖިނާއީ އިޖުރާއަތުގެ ޤާނޫނުގެ 131 ވަނަ މާއްދާއާ ޚިލާފު ނިންމުމެއް ކަމަށާއި ހެކި ޢާންމުވެ ކުއްޖާ ރީވިކްޓިމައިޒްވުމުގެ ނުރައްކާ އޮތްކަމަށެވެ. ރައްދުވި ފަރާތުން ބުނީ ހެކި ލިބުމަކީ އިންޞާފުވެރި ޝަރީޢަތުގެ ޙައްޤެއް ކަމަށެވެ.

ކުޑަކުދިންނަށް ޖިންސީ ގޯނާކުރުމުގެ ތުހުމަތުގެ މައްސަލައެއްގައި ދައުލަތުން ހުށަހަޅާ ހެކި (ކުއްޖާގެ ބަޔާން، ރިޕޯޓުތައް، އިންޓަވިއު ވީޑިއޯ) ދަޢުވާލިބޭ ފަރާތަށް ހާމަނުކޮށް ރައްކާތެރިކުރުމުގެ ދާއިމީ އަމުރެއް ނެރެދެއްވުމަށް އެދުން ދަށުކޯޓުން ބަލައިނުގަނެ ހެކީގެ ކޮޕީ ދިނުމަށް ނިންމި ނިންމުމަކީ ޖިނާއީ އިޖުރާއަތުގެ ޤާނޫނުގެ 131 ވަނަ މާއްދާއާ އެއްގޮތް ނިންމުމެއްތޯ.

ބައެއް ބަދަލުކުރި

ރައްކާތެރިކުރުމަށް 131 (ނ) ގެ ސަބަބެއް ބަޔާންނުކުރާތީއާއި ހެކި ނުލިބި ދިފާޢު ބިނާނުކުރެވޭނެތީ ބަޔާނާއި ރިޕޯޓުތަކުގެ ކޮޕީ ދިނުމަށް ނިންމި ނިންމުން ޤާއިމްކޮށް، އިންޓަވިއު ވީޑިއޯތައް ނަކަލުކުރެވޭ ގޮތަށް ދިނުމަކީ ކުޑަކުދިންގެ ޙައްޤުތައް ރައްކާތެރިކުރުމުގެ ޤާނޫނުގެ ރޫޙާ ޚިލާފުކަމަށް ބަލައި އެ ބައި ބަދަލުކުރެވިއެވެ.