ޕްރޮސިކިއުޓަރ ޖެނެރަލް ވ. ޝާހީން އާދަމް

ކްރިމިނަލް ކޯޓުން ބައެއް ހެކި ޝަރުޠުތަކާއެކު ދޫކުރުމަށާއި، ކުއްޖާގެ ރެކޯޑިން ކޯޓުގައި ދިރާސާކުރުމަށާއި، ވީޑިއޯ/އިމޭޖް އެނަލިސިސް އަދި ފޮރެންސިކް ރިޕޯޓުތަކުގެ ކޮޕީ ދަޢުވާލިބޭ ފަރާތަށް ދޫކުރުމަށް ނިންމިއެވެ.

ކުޑަކުއްޖެއްގެ ހަށިގަނޑުގައި ޖިންސީ ނިޔަތުގައި އަތްލުމާއި، ޖިންސީ ޢަމަލެއް ބަލަން ކުއްޖަކަށް މަޖުބޫރުކުރުމާއި، އޮރިޔާންކާޑު ގެންގުޅުމުގެ ދަޢުވާއެއްގައި، ދަޢުވާލިބޭ ފަރާތުން ރައްކާތެރިކުރި ހެކި ދިފާޢަށް ލިބިދިނުމަށް އެދުނެވެ.

ދައުލަތުން ބުނީ އޮރިޔާން ފޮޓޯ/ވީޑިއޯ ހިމެނޭ ފޮރެންސިކް ހެކި ދޫކުރުމަކީ ޤާނޫނުލްޢުޤޫބާތާއި ޖިންސީ ކުށުގެ ޤާނޫނުގެ މަޤްޞަދާ ޚިލާފު ކަމަށެވެ؛ ދަޢުވާލިބޭ ފަރާތުން ބުނީ ހެކި ދިރާސާނުކޮށް ދިފާޢު ކުރެވޭނެ ނޫން ކަމަށާއި ކޯޓުގައި ބެލުމަކީ ފަސޭހަ ކަމެއް ނޫން ކަމަށެވެ.

ކުޑަކުއްޖަކާ ގުޅޭ ޖިންސީ ކުށްތަކާއި އޮރިޔާންކާޑު ގެންގުޅުމުގެ ދަޢުވާއެއްގައި، ވީޑިއޯ އެންޑް އިމޭޖް އެނަލިސިސް ރިޕޯޓާއި މޮބައިލް އަދި ކޮމްޕިއުޓަރ ފޮރެންސިކް ރިޕޯޓުތައް ރައްކާތެރިކުރުމުގެ ދާއިމީ އަމުރެއް ނުދީ، އޭގެ ކޮޕީ ދަޢުވާލިބޭ ފަރާތަށް ދޫކުރުމަށް ކްރިމިނަލް ކޯޓުން ނިންމި ނިންމުން ޤާނޫނާ އެއްގޮތްތޯ.

ބައެއް ބަދަލުކުރި

ހަވާލާދިން މާއްދާތަކަކީ ހެކި ރައްކާތެރިކުރުމާ ގުޅޭ މާއްދާ ނޫން ނަމަވެސް، ވީޑިއޯގައި ފެންނަ މީހުން ދެނެގަނެ މަޖުބޫރުކުރުމުގެ އިޙްތިމާލު އޮތުމުން 131(ނ)(1) ގެ ޙާލަތު އުފެދޭ ކަމަށާއި، ކޯޓުން އިންތިޒާމުކުރާ ގޮތެއްގެ މަތިން ދިރާސާކުރުމުގެ ފުރުޞަތު ދިނުމަކީ އެންމެ މަޞްލަޙަތު ރަނގަޅު ގޮތް ކަމަށް ދެކުނެވެ.