ޕްރޮސިކިއުޓަރ ޖެނެރަލް ވ. ޢަލީ އަޔާސް މުޙައްމަދު

ތިނަދޫ މެޖިސްޓްރޭޓް ކޯޓުން ބަޔާނާއި ރިޕޯޓުތައް ޝަރުޠަކާނުލައި ދޫކުރުމަށާއި ވީޑިއޯ ދޫނުކޮށް ކޯޓު އޮފިސަރެއްގެ ހާޟިރުގައި ބެލުމަށް އަމުރުކުރިއެވެ.

ކުޑަކުދިންނަށް ޖިންސީ ގޯނާކުރުމާއި ގްރޫމްކުރުމުގެ ދަޢުވާތަކުގައި، ކުދިންގެ ބަޔާނާއި ރިޕޯޓުތައް ޝަރުޠުތަކާއެކު ހާމަކުރުމަށާއި ވީޑިއޯ ރެކޯޑިންގް ދޫނުކުރުމަށް ދައުލަތުން ހެކި ރައްކާތެރިކުރުމުގެ އަމުރަކަށް އެދުނެވެ.

ދައުލަތް ބުނީ ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 131 ވަނަ މާއްދާގެ (ނ) އިން ޝަރުޠުކޮށް ހާމަކުރާ އިޚްތިޔާރު ދޭކަމަށާއި 2021/HC-A/142 އާ ޚިލާފުކަމަށެވެ. ރައްދުވާ ފަރާތުން އިޢުތިރާޒެއް ނުކުރެއެވެ.

ކުޑަކުދިންނަށް ޖިންސީ ގޯނާކުރުމުގެ ދަޢުވާއެއްގައި ދައުލަތުން އެދުނު ގޮތަށް ޝަރުޠުތަކާއެކު ހެކި ހާމަކުރުމުގެ ބަދަލުގައި، ޝަރުޠުކޮށް ހާމަކުރުމަކީ ޖިނާއީ އިޖުރާއަތުގެ ޤާނޫނުގެ 131 ވަނަ މާއްދާ ދަންނަ ކަމެއް ނޫންކަމަށް ބުނެ ޝަރުޠަކާނުލައި ހެކި ދޫކުރަން ދަށުކޯޓުން ނިންމީ ޤާނޫނާ އެއްގޮތަށްތޯ.

ދަށުކޯޓުގެ އަމުރު ޤާނޫނާ ޚިލާފުކަމަށް ކަނޑައެޅި (ދައުލަތުގެ އިސްތިއުނާފު ބަލައިގަނެވި)

ޝަރުޠުކޮށް ހެކި ހާމަކުރުމަކީ ޤާނޫނުން ފަނޑިޔާރަށް ދީފައިވާ އިޚްތިޔާރެއް ކަމާއި، ކުދިންގެ ކަރާމާތާއި މަޞްލަޙަތު ރައްކާތެރިކުރުމަށް ދައުލަތުގެ ހުށަހެޅުން ޖާއިޒު ސަބަބުތަކަށް ބިނާވާތީ، ދަށުކޯޓުގެ އަމުރު ޚިލާފުވެއެވެ.