ޕްރޮސިކިއުޓަރ ޖެނެރަލް ވ. އިބްރާހީމް ޚުޝާން

ތަކެތި ހިފެހެއްޓީ ޤާނޫނާ ޚިލާފަށްކަމަށާއި ޤާނޫނުއަސާސީގެ 44 ވަނަ މާއްދާއާ ޚިލާފުކަމަށް ކަނޑައަޅައި، ރާފުޅިތައް ވެރިފަރާތާ ޙަވާލުކުރުމަށް ކްރިމިނަލް ކޯޓުން ފުލުހުންނަށް އަމުރުކުރިއެވެ.

ބަނގުރާ އެތެރެކުރުމުގެ ހުއްދަ އޮތް ފަރާތެއްގެ ނަމުގައިވާ ސަފާރީ އުޅަނދެއްގެ ބާރމޭން، 7 ފުޅި ބަނގުރާއާއެކު މާލެއިން ހައްޔަރުކުރުމުން، ކޯޓު އަމުރެއްގެ ދަށުން 21 ޑިސެމްބަރ 2017 ގައި ސަފާރީ ބަލައިފާސްކޮށް ފުލުހުން ބަނގުރާ ފުޅިތައް ހިފެހެއްޓިއެވެ. ވެރިފަރާތުގެ މައްޗަށް ރަސްމީ ތުހުމަތެއް ނުކުރެއެވެ.

ކްރިމިނަލް ކޯޓުގެ އަމުރަކީ ޖިނާއީ އިޖުރާއަތުގެ ޤާނޫނުގެ 50 ވަނަ މާއްދާގައިވާ އުޞޫލަށް ރިޢާޔަތްނުކޮށް ނެރުނު އަމުރެއްކަމަށް ޕްރޮސިކިއުޓަރ ޖެނެރަލުން ބުންޏެވެ.

ބަނގުރާ ގަވާއިދާ ޚިލާފަށް ގެންގުޅެ ވިޔަފާރިކުރާ ތުހުމަތެއްގެ ތަޙްޤީޤުގައި، ބަނގުރާ އެތެރެކުރުމުގެ ހުއްދަ އޮތް ފަރާތެއްގެ މައްޗަށް ރަސްމީ ތުހުމަތެއް ނުކުރެވި ހުރިއިރު، ސަފާރީ އުޅަނދަކުން ފުލުހުން ބަނގުރާ ހިފެހެއްޓުމަކީ ޤާނޫނާ ޚިލާފު ކަމެއްތޯއާއި، އެ ތަކެތި ވެރިފަރާތާ ޙަވާލުކުރުމަށް ކްރިމިނަލް ކޯޓުން ނެރުނު އަމުރު ޤާނޫނާ އެއްގޮތްތޯ.

ދަށުކޯޓުގެ އަމުރު ބާޠިލު (އަޣްލަބިއްޔަތުން)

އަޣްލަބިއްޔަތު ރައުޔުގައި: ބަނގުރަލަކީ ޢާންމު މުދަލެއް ނޫން ކަމުން އިސްތިސްނާގެ ޙުދޫދުގެ ތެރޭގައި ބަލަންޖެހެއެވެ؛ ބާރމޭންގެ އަތުން ފެނުނު ބަނގުރާއަކީ ސަފާރީގައި ގެންގުޅޭ ބްރޭންޑަކަށް ވުމަކީ probable cause އެކެވެ؛ ވެރިފަރާތުގެ މައްޗަށް ތުހުމަތެއް ނެތުމަކީ ތަޙްޤީޤަށް ހިފެހެއްޓުން މަނާކުރާ ސަބަބެއް ނޫނެވެ؛ ވެރިފަރާތް ޙާޟިރުނުކޮށް މައްސަލަ ކުރިއަށް ނުގެންދެވޭނެއެވެ.