ޕްރޮސިކިއުޓަރ ޖެނެރަލް ވ. އާދަމް ޝަރީފް

ކްރިމިނަލް ކޯޓުން މަދަނީ މިންގަނޑުން ވަޒަންކޮށް ފައިސާގެ ޙައްޤުވެރިޔާއަކީ ދަޢުވާކުރި ފަރާތްކަމަށް ކަނޑައަޅައި، 5 ދުވަހުގެ ތެރޭގައި ފައިސާ ޙަވާލުކުރުމަށް މޯލްޑިވްސް ޕޮލިސް ސަރވިސްއަށް އަމުރުކުރިއެވެ.

2015 ގައި ފުލުހުން މަގުމަތިން ހުއްޓުވައި ބަލައި ފާސްކޮށް އިސްތިއުނާފު ރައްދުވާ ފަރާތުގެ އަތުގައިހުރި 25,690ރ. ހިފަހައްޓައި، ވަގަށް ނަގާފައިވާ މުދާ ބަލައިގަތުމުގެ ދަޢުވާ (2016/Cr-C/154) ސާބިތުނުވި ނަމަވެސް ފައިސާ އަނބުރާ ނުދިނުމުން، 37 (ހ) ގެ ދަށުން އެ ފައިސާ ހޯދުމަށް ކްރިމިނަލް ކޯޓަށް ދަޢުވާކުރިއެވެ.

ޕްރޮސިކިއުޓަރ ޖެނެރަލްގެ އޮފީހުން ބުނީ ނިންމުމަކީ ޖިނާއީ އިޖުރާއަތުގެ ޤާނޫނުގެ 36 އާއި 37 ވަނަ މާއްދާއަށާއި ޕްރޮސިކިއުޓްކުރުމުގެ އިޖުރާއަތުގެ ޤަވާއިދަށް ރިޢާޔަތްނުކޮށް ނިންމި ނިންމުމެއް ކަމަށާއި، ފައިސާގެ ބައެއް އޭނާގެ ނޫންކަން ހެކިތަކުން ސާބިތުވާ ކަމަށެވެ.

ކޯޓު އަމުރަކާ ނުލައި މަގުމަތިން ބަލައި ފާސްކުރުމުގައި ފުލުހުން ހިފަހައްޓާފައިވާ ފައިސާ ހޯދުމަށް ޖިނާއީ އިޖުރާއަތުގެ ޤާނޫނުގެ 37 ވަނަ މާއްދާގެ (ހ) ގެ ދަށުން ކްރިމިނަލް ކޯޓަށް ދަޢުވާކުރެވޭތޯ، އަދި އެ މައްސަލަ ބެލުމުގެ އިޚްތިޞާޞް ކްރިމިނަލް ކޯޓަށް ލިބިގެންވޭތޯ.

ދަށުކޯޓުގެ ޙުކުމް ބާޠިލު

ފައިސާ ހިފަހައްޓާފައިވަނީ ކޯޓު އަމުރެއްގެ ދަށުން ބަލައި ފާސްކުރުމުގައި ނޫންތީ 37 (ހ) ގެ ދަށުން ދަޢުވާ ނުކުރެވޭނެކަމާއި، އިޚްތިޞާޞް ލިބިގެންވަނީ ސިވިލް ކޯޓަށްކަމަށް ކަނޑައަޅައި، ކްރިމިނަލް ކޯޓުގެ ޙުކުމް އެކުއެކީގައި ބާޠިލުކުރިއެވެ؛ ބާކީ ނުކުތާތަކާމެދު ގޮތެއް ނުކަނޑައެޅިއެވެ.