ޕްރޮސިކިއުޓަރ ޖެނެރަލް ވ. އިބްރާހީމް އިރުފާން

ތަން ބަލައިފާސްކުރީ ތުހުމަތުކުރެވޭ މީހާގެ ޣައިރު ހާޒިރުގައިކަމަށާއި، އަނެއް ތަނުން ފެނުނު ތަކެތި އޭނާއާ ގުޅުވާލެވޭ ހެއްކެއް އިންޓެލިޖެންސް ރިޕޯޓު ފިޔަވައި ނެތްކަމަށް ބުނެ، ތުހުމަތު ވުޖޫދުވާ މިންވަރަށް ހެކި ނެތީތީ ކްރިމިނަލް ކޯޓުން ޝަރުޠެއްނެތި ބަންދުން ދޫކޮށްލިއެވެ.

މަސްތުވާތަކެތި ގެންގުޅެ ވިޔަފާރިކުރާކަމަށް ތުހުމަތުކުރެވޭ މައްސަލައެއްގައި ހައްޔަރުކޮށް ދެފަހަރު ބަންދު އިތުރުކުރުމަށްފަހު، 15 ދުވަހަށް ބަންދުކުރުމަށް ދައުލަތުން އެދުނެވެ. ބަލައިފާސްކުރި ތަނަކުން ފެނުނު މަސްތުވާތަކެތި ހުރި ކޮތަޅަކުން ތުހުމަތުކުރެވޭ މީހާގެ ފިންގަރޕްރިންޓް ފެނިފައިވެއެވެ.

ދައުލަތުން ބުނީ އަމުރުގައި ޤާނޫނީ އަސާސެއް ބަޔާންނުކުރުމަކީ ޤާނޫނުއަސާސީގެ 142 އާއި 143(ރ) އާ ޚިލާފު ކަމަށާއި، ތަން ބަލައިފާސްކުރުމުގައި މުއްތަހަމު ހާޒިރުކުރަން ޤާނޫނުން ލާޒިމުނުކުރާ ކަމަށެވެ. ޖަވާބުދާރީވާ ފަރާތުން ބުނީ ސަބަބު ގޯސްކަމުގައި ވިޔަސް ނިންމުން ރަނގަޅު ކަމަށާއި، ފިންގަރޕްރިންޓް ހަމައެކަނި ކާފީ ނުވާކަމަށެވެ.

މަސްތުވާތަކެތީގެ ކުށުގެ ތުހުމަތުގައި ބަންދުގައި ތިބި މީހަކު، ތުހުމަތު ވުޖޫދުވާ މިންވަރަށް ހެކި ނެތްކަމަށް ބުނެ ޝަރުޠެއްނެތި ބަންދުން ދޫކޮށްލުމަށް ކްރިމިނަލް ކޯޓުން ނިންމި ނިންމުން ޤާނޫނާ އެއްގޮތްތޯ؛ ބަންދާމެދު ގޮތް ނިންމާ މަރުޙަލާގައި ފަނޑިޔާރު ހެކި ވަޒަންކުރަންވީ ގޮތް.

ދަށުކޯޓުގެ އަމުރު ބާޠިލު، އަލުން ގޮތެއް ކަނޑައެޅުމަށް ކްރިމިނަލް ކޯޓަށް ފޮނުވި

ފިންގަރޕްރިންޓް ފެނިފައިވުމުން ތުހުމަތުކުރެވޭ މިންވަރުގެ ހެކި ހުރިކަމަށާއި، ބަންދު މަރުޙަލާގައި ހެކި ތަޢުނުކޮށް ނިންމުން ނުކުރެވޭނެކަމަށާއި، ދެން ބަލަންޖެހެނީ ޤާނޫނުއަސާސީގެ 49 ވަނަ މާއްދާގެ ސަބަބެއް އޮތްތޯކަމަށް ބުނެ، ހެކި ނެތްކަމަށް ނިންމި ނިންމުން ބާޠިލުކުރިއެވެ.