ޕްރޮސިކިއުޓަރ ޖެނެރަލް ވ. އިބްރާހިީމް މުޙައްމަދު

ޝަރީޢަތް ނިމެންދެން ބަންދަށް ފުލުހުން އެދުމުން، ހޯރަފުށީ މެޖިސްޓްރޭޓް ކޯޓުން ކުށަށް އިންކާރުކުރުމާއި، ހެކި ފުލުހުންގެ ބެލުމުގައި ހުރުމާއި، 150 ގްރާމަށް ދަށް މައްސަލަތަކުގައި ޕީޖީ ޢަމަލުކުރާ އުޞޫލާއި، ވިޔަފާރީގެ ގެއްލުމާއި، ތަޙުޤީޤަށް ބޭނުންވާ މަޢުލޫމާތު ލިބިފައިވުމަށް ބަލައި ޝަރުޠުކޮށް ދޫކޮށްލިއެވެ.

ތުހުމަތުކުރެވޭ ފަރާތުގެ ނަމުގައިވާ ސައިކަލެއްގެ މަޑިދަށުން ގާތްގަނޑަކަށް 80 ގްރާމް ކެނެބިސް ފެނުމާއި ގުޅިގެން މަސްތުވާތަކެތީގެ ވިޔަފާރީގެ ތުހުމަތުގައި ހައްޔަރުކޮށް، ބަންދުގެ މުއްދަތު 2 ފަހަރު އިތުރުކުރެވުނެވެ.

ދައުލަތުން ބުނީ ތުހުމަތުކުރެވޭ މިންވަރަށް ހެކިހުރި ކަމަށާއި ޙާލަތު ބަދަލުވިގޮތް ބަޔާންކޮށްފައި ނުވާކަމަށާއި ދޫކުރި ސަބަބުތަކަކީ ޤާނޫނީ އަސާސްތަކެއް ނޫން ކަމަށެވެ. ދައުވާލިބޭ ފަރާތުން ބުނީ ހެކި ބަލިކަށި ކަމަށާއި، ސައިކަލު ބޭނުންކުރަނީ އިތުރު މީހަކުވެސް ކަމަށާއި، މުޢާމަލާތްތަކަކީ ވިޔަފާރީގެ ކަންކަން ކަމަށާއި ތުހުމަތު ބަދަލުވެފައިވާ ކަމަށެވެ.

މަސްތުވާތަކެތީގެ ވިޔަފާރީގެ ތުހުމަތުގައި ބަންދުގައި ބަހައްޓާފައިވާ މީހަކު، ބަންދުކުރި ޙާލަތު ބަދަލުވިގޮތް ބަޔާންނުކޮށް އަދި މުޖުތަމަޢުގެ ސަލާމަތަށް އޮތް ނުރައްކާ ވަޒަންނުކޮށް މެޖިސްޓްރޭޓް ކޯޓުން ޝަރުޠުކޮށް ދޫކޮށްލުން ޤާނޫނާ އެއްގޮތްތޯ.

ދަށުކޯޓުގެ އަމުރު ބާޠިލު؛ 7 ދުވަހުގެ ތެރޭ ދައުލަތުން ހުށަހަޅައިފިނަމަ ބަންދާމެދު އަލުން ގޮތެއް ނިންމުމަށް ދަށު ކޯޓަށް އެންގި

ތުހުމަތުކުރެވޭ މިންވަރަށް ހެކިހުރި ޙާލަތު ބަދަލުވެފައި ނުވާކަން ދަށުކޯޓުވެސް ބަލައިގަނެފައިވާއިރު، ކުރިން ބަންދުކުރި ސަބަބުތަކަށް ބަދަލު އައިގޮތް ބަޔާންކޮށްފައި ނުވާތީއާއި، ތުހުމަތުކުރެވޭ މީހާގެ ޚާއްޞަ ސިފަތަކާއި މުޖުތަމަޢުގެ ޙައްޤު މިނެކިރާފައި ނުވާތީ އަމުރު ބާޠިލުކުރިއެވެ.