ޕްރޮސިކިއުޓަރ ޖެނެރަލް ވ. ޙުސައިން ޢަލީމަނިކު

ކްރިމިނަލް ކޯޓުން ޝަރީޢަތުގައި ވެފައިވާ އިޢުތިރާފުގެ މައްޗަށް ކުށްވެރިކޮށް، 27 ދުވަހަށް ޖަލަށްލުމާއި 40 އެތިފަހަރުން ޖަލްދުކުރުމަށް ޙުކުމްކުރި.

މަސްތުވާތަކެތީގެ މައްސަލައެއްގެ ތަޙްޤީޤުގައި ސުވާލުކުރުމުން ދަޢުވާލިބޭ ފަރާތް ބަނގުރާ ބުއިކަމަށް އިޢުތިރާފުވުމުން، ޤާނޫނުލް ޢުޤޫބާތުގެ 616 ވަނަ މާއްދާގެ ދަށުން ބަނގުރާ ބުއިމުގެ ދަޢުވާ ކުރި.

ޕްރޮސިކިއުޓަރ ޖެނެރަލް އެދުނީ ސަރކިއުލަރގެ ދަށުން، އިޢުތިރާފު ޞައްޙަކަމާއި ޙައްޤުތައް ލިބިދީފައިވާކަމާއި ޙައްދު މަނާކުރާ ސަބަބެއް ނެތްކަން ކަށަވަރުކޮށްދިނުމަށް.

ބަނގުރާ ބުއިމުގެ ކުށަށް ދަޢުވާލިބޭ ފަރާތް ވެފައިވާ އިޢުތިރާފުގެ މައްޗަށް 27 ދުވަހުގެ ޖަލާއި 40 އެތިފަހަރުގެ ޖަލްދަށް ކްރިމިނަލް ކޯޓުން ކުރި ޙުކުމަކީ (އިސްތިއުނާފު ނުކުރެވުމުން ސަރކިއުލަރގެ ދަށުން ފޮނުވުމުން) ޞައްޙަ ޙުކުމެއްތޯ؛ އިޢުތިރާފު، ކުށުގެ ރުކުންތައް، ޙައްޤުތައް އަދި ޢުޤޫބާތު ކަނޑައެޅި ގޮތް ޤާނޫނާ އެއްގޮތްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމްކުރި

ކުށް ސާފުކޮށް އަންގާފައި، ވަކީލުގެ ޙައްޤު ދޫކޮށްލާފައި، އަމިއްލަ އިޚްތިޔާރުގައި ބުއްދި ސަލާމަތުން ވެފައިވާ ރުޖޫޢަނުވާ އިޢުތިރާފަކުން ކުށުގެ ދެ ރުކުން ފުރިހަމަވާތީއާއި، ޢުޤޫބާތު ޤާނޫނުލް ޢުޤޫބާތާ އެއްގޮތަށް ކަނޑައަޅާފައިވާތީ ޙުކުމް ޤާއިމްކުރި.