ޕްރޮސިކިއުޓަރ ޖެނެރަލް ވ. ޙަސަން ވަޙީދު

އިތުރަށް ބަންދުގައި ބަހައްޓަން ނުފެންނާތީ ކްރިމިނަލް ކޯޓުން 25 ޖުލައި 2019 ގައި ބަންދުން ދޫކޮށްލިއެވެ.

ބޭންކެއްގެ ދެ ކަސްޓަމަރުންގެ ޑޮލަރު އެކައުންޓުން ޞައްޙަނޫން ލިޔުންތައް ތައްޔާރުކޮށް ފައިސާ އެހެން އެކައުންޓުތަކަށް ޖަމާކުރިކަމުގެ ޚިޔާނާތް / ފޯޖަރީގެ ތުހުމަތުގައި ބަންދުކުރެވުނެވެ. ރާވައިގެން އިތުރު ބަޔަކާ ގުޅިގެން ކުރި ޢަމަލެއްކަމަށާއި ހެކި ފޮރުވައި ހެކިންނަށް ނުފޫޒު ފޯރުވާފާނެކަމަށް ބުނެ ޕޮލިހުން ބަންދުގެ މުއްދަތު އިތުރުކުރަން އެދުނެވެ.

ޕީޖީ ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59، 60 ވަނަ މާއްދާއާއި ޤާނޫނުއަސާސީގެ 143(ރ) ގެ ސާބިޤާ އުޞޫލާ ޚިލާފު އަމުރެއް ކަމަށެވެ.

ޚިޔާނާތް / ފޯޖަރީގެ ތުހުމަތުގައި ބަންދުކުރެވިފައިވާ މީހަކު ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރު ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 59 އަދި 60 ވަނަ މާއްދާއާއި ސުޕްރީމް ކޯޓުގެ ސާބިޤާތަކާ ޚިލާފުތޯ.

ދަށުކޯޓުގެ އަމުރު ބާޠިލު؛ ބަންދާމެދު އަޞްލު މައްސަލަ ބަލާ ކޯޓުން އަލުން ގޮތެއް ނިންމަންޖެހޭނެކަމަށް ކަނޑައެޅި

ބަންދާމެދު ނިންމުމުގައި ޤާނޫނު ނަންބަރު 12/2016 (ޖިނާއީ އިޖުރާއަތުގެ ޤާނޫނު) ގެ 59 އަދި 60 ވަނަ މާއްދާގެ މިންގަނޑުތަކާއި ސުޕްރީމް ކޯޓުގެ 2010/SC-A/19 ގެ ފާހަގަކުރެވޭ ކަންކަން ވަޒަންކުރަންޖެހޭތީ އަމުރަށް ބަދަލު ގެންނަންޖެހޭކަމަށް ބަލައި، މައްސަލަ ޝަރީޢަތުގައި އޮތުމުން ބަންދާމެދު ނިންމަންވީ އަޞްލު މައްސަލަ ބަލާ ކޯޓުންކަމަށް ކަނޑައެޅިއެވެ.