ޕްރޮސިކިއުޓަރ ޖެނެރަލް ވ. ޙަސަން މުނާޒް

ކްރިމިނަލް ކޯޓުން، ބަލިޙާލަތާއި ތަޙްޤީޤަށް ބަންދުގައި ހޭދަކުރި މުއްދަތާއި ހައިކޯޓުގެ 2021/HC-A/025 އަށް ރިޢާޔަތްކޮށް، ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

މަސްތުވާތަކެތީގެ ވިޔަފާރިއާ ގުޅޭ ތުހުމަތެއްގައި ތުހުމަތުކުރެވޭ ފަރާތް ޝަރީޢަތް ނިމެންދެން ބަންދުކުރުމަށް ކްރިމިނަލް ކޯޓުން އަމުރުކުރިއެވެ. ފަހުން ނަފްސާނީ ބަލިޙާލަތު ފާހަގަކޮށް ބަންދު މުރާޖަޢާކުރުމަށް އެދުނެވެ.

ޕްރޮސިކިއުޝަނުން ބުނީ ބަންދުކުރި ސަބަބު ބަދަލުވިގޮތެއް އަމުރުގައި ނެތްކަމަށާއި، ބަންދުގައި ފަރުވާ ލިބެމުންދާތީ ބަލިޙާލަތުގެ ސަބަބުން ދޫކޮށްލުމުގެ ޟަރޫރަތެއް ނެތްކަމަށެވެ. ތުހުމަތުކުރެވޭ ފަރާތުން ބުނީ ސިއްޙީ ލިޔެކިޔުންތަކުން އެ ފަރާތް ޖަލުގައި ބެހެއްޓޭފަދަ މީހެއް ނޫންކަން އެނގޭކަމަށެވެ.

ތުހުމަތުކުރެވޭ ފަރާތެއް ބަލިޙާލަތާ ގުޅިގެން ޝަރުޠުތަކާއެކު ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރުގައި އެ ނިންމުމަށް ވާޞިލުވި ސަބަބު ފުދޭ މިންވަރަށް ބަޔާންކޮށްފައިވޭތޯ.

ދަށުކޯޓުގެ އަމުރު ބާޠިލު

ދަށު ކޯޓުގެ އަމުރުގައި ނިންމުމަށް ވާޞިލުވި ސަބަބެއް، ގޮތެއް ނުވަތަ ހަމައެއް، އަދި ޙަވާލާދިން ހައިކޯޓުގެ ޤަޟިއްޔާއަށް ރިޢާޔަތްކުރި ގޮތެއް ބަޔާންކޮށްފައި ނުވާތީ، ސުޕްރީމް ކޯޓުގެ ނިންމުންތަކުގެ އަލީގައި އަމުރު ބާޠިލުކުރިއެވެ.