ޕްރޮސިކިއުޓަރ ޖެނެރަލް ވ. ޝުޢާޢު ޝަރީފް

ތިނަދޫ މެޖިސްޓްރޭޓް ކޯޓުން ނިންމީ އަމުރު ނެރުނީ ޖިނާއީ އިޖުރާއަތުގެ ޤާނޫނުގެ ދަށުން ކަމަށާއި، ފުޓްނޯޓަކުން އަމުރު އިޞްލާޙު ނުވާނެކަމަށާއި، ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ވ) ގެ ދަށުން 5 މަސްދުވަހު ބަންދު މުރާޖަޢާނުކޮށް ހުރުމުން ތުހުމަތުކުރެވޭ ފަރާތް ދޫކުރުމަށެވެ.

ކުޑަކުއްޖަކަށް ޖިންސީ ގޯނާކުރުމުގެ ތުހުމަތުގައި ހައްޔަރުކުރެވުނު ފަރާތް، ޤާނޫނު ނަންބަރު 2009/12 ގެ 30 ވަނަ މާއްދާގެ ދަށުން ޕްރޮސިކިއުޓަރ ޖެނެރަލް އެދުމުން 2020 އޮގަސްޓު 06 ގައި ޝަރީޢަތް ނިމެންދެން ބަންދުކުރިއެވެ؛ އެ އަމުރުގެ ފަހުބައިގައި 2016/12 ލިޔެވިފައިވިއެވެ. ހައިކޯޓުން 2020/HC-A/155 ގައި އެ އަމުރު ޤާއިމްކުރިއެވެ.

ދައުލަތުން ބުނީ 2016/12 އަކީ ލިޔުމުގެ ކުށެއްކަމަށާއި ބަންދަކީ 2009/12 ގެ ދަށުން ކުރި ބަންދެއްކަމަށާއި ދަށު ކޯޓުން މަތީ ކޯޓުގެ ނިންމުމަށް ތަބާނުވާކަމަށެވެ. ތުހުމަތުކުރެވޭ ފަރާތުން ބުނީ ކުށެއްނަމަ ދައުލަތުން އެކަން ރަނގަޅުކުރަން ޖެހުނުކަމަށާއި ޖިނާއީ އިޖުރާއަތުގެ ޤާނޫނުގެ ދަށުން ނަމަ މުރާޖަޢާކުރަން ޖެހޭކަމަށެވެ.

ކުޑަކުދިންނަށް ޖިންސީ ގޯނާކުރުމުގެ ތުހުމަތުގައި ޝަރީޢަތް ނިމެންދެން ބަންދުކުރުމަށް ނެރުނު އަމުރުގައި 2016/12 ލިޔެވިފައިވުމަކީ ލިޔުމުގެ ކުށެއްކަމަށް ހައިކޯޓުން ކުރިން ބަޔާންކޮށްފައިވަނިކޮށް، ޖިނާއީ އިޖުރާއަތުގެ ޤާނޫނުގެ 60 ވަނަ މާއްދާގެ (ވ) ގެ ދަށުން 30 ދުވަހުން ބަންދު މުރާޖަޢާނުކުރުމުގެ ސަބަބުން ތުހުމަތުކުރެވޭ ފަރާތް ދޫކުރުމުގެ އަމުރު ޤާނޫނުއަސާސީގެ 143 ވަނަ މާއްދާގެ (ރ) އާ ޚިލާފުތޯ.

ދަށުކޯޓުގެ (ބަންދުން ދޫކުރުމުގެ) އަމުރު ބާޠިލު، ޝަރީޢަތް ނިމެންދެން ބަންދުކުރުމުގެ އަމުރު ޤާއިމް

ބަންދަށް އެދުނީއާއި އަމުރު ނެރުނީ 2009/12 ގެ 30-31 ވަނަ މާއްދާގެ ދަށުން ކަމަށް ވާތީއާއި ލިޔުމުގެ ކުށް ހައިކޯޓުން ކުރިން ބަޔާންކޮށްފައިވާތީ، އަދި ބަންދުކުރި ސަބަބުތައް ދެމިއޮތްއިރު ހަމައެކަނި މުރާޖަޢާނުކުރުމުން ދޫކުރެވޭނެ ނުވާތީ (2020/SC-A/108-110)، ދަށު ކޯޓުގެ އަމުރަކީ ޤާނޫނުއަސާސީގެ 143 (ރ) އާ ޚިލާފު އަމުރެކެވެ.