ޕްރޮސިކިއުޓަރ ޖެނެރަލް ވ. ހާފިޘު ސަޢީދު

ކްރިމިނަލް ކޯޓުން، އިޢުތިރާފުގެ މައްޗަށް ކުށް ސާބިތުކޮށް، 40 އެތިފަހަރުން ޖަލްދުކުރުމާއި 27 ދުވަހުގެ ޖަލު ޙުކުމް ކޮށް، ޖަލު ޙުކުމް 5,400 ރުފިޔާގެ ޖޫރިމަނާއަކަށް ބަދަލުކޮށް، ޖޫރިމަނާ ނުދައްކައިފިނަމަ ޖަލު ޙުކުމް ވަގުތުން ތަންފީޛުކުރާނެ ކަމަށް ނިންމިއެވެ.

ބަނގުރާ ބޭނުންކުރިކަމުގެ ތުހުމަތުގައި ތަޙްޤީޤުގައި ސުވާލުކުރުމުން، ތުހުމަތުކުރެވޭ ދެ ފަރާތުން މަސްތުވުމަށް ބަނގުރާ ބޯކަމަށް ބުނެ، ޝަރީޢަތުގައިވެސް އިޢުތިރާފުވިއެވެ. ޙުކުމް އިސްތިއުނާފު ނުކުރުމުން ސަރކިއުލަރގެ ދަށުން ހައިކޯޓަށް ފޮނުވިއެވެ.

ޕީޖީން އެދުނީ އިޢުތިރާފަކީ ޞައްޙަ އިޢުތިރާފެއްކަމާއި، ތުހުމަތުކުރެވޭ ފަރާތްތަކަށް ޤާނޫނުއަސާސީގެ ޙައްޤުތައް ލިބިދީފައިވާކަމާއި، ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކޮށްދިނުމަށެވެ.

އިސްތިއުނާފު ނުކުރެވުނު، ޤަޟާއީ އިޢުތިރާފުގެ މައްޗަށް ބަނގުރާ ބުއިމުގެ ކުށް ސާބިތުކޮށް ޙައްދާއި ތަޢުޒީރީ އަދަބު ކަނޑައެޅި ކްރިމިނަލް ކޯޓުގެ ޙުކުމަކީ ޞައްޙަ ޙުކުމެއްތޯ، އަދި ޙައްދު ކުށެއްގައި ކަނޑައެޅި އަދަބު ސުޕްރީމް ކޯޓުން ނިންމުމުގެ ކުރިން ތަންފީޛުކުރެވޭނެތޯ.

ކުށް ސާބިތުވުމާއި އަދަބު ޤާއިމް؛ ސުޕްރީމް ކޯޓުން ނިންމުމުގެ ކުރިން ތަންފީޛުކުރުމުގެ ބައި ބާޠިލުކޮށް ތަންފީޛު ފަސްކުރި

ޝަރީޢަތުގެ ޙައްޤުތައް ލިބިދީ، ތަޞައްރަފު ފުދިފައިވާ ޙާލު ވި އިޢުތިރާފުން ރުޖޫޢަ ނުވާތީ ކުށް ސާބިތުވެ، އަދަބު ޤާނޫނާ އެއްގޮތެވެ؛ ނަމަވެސް ޤާނޫނުލްޢުޤޫބާތުގެ 1205 ވަނަ މާއްދާގެ ދަށުން ޙައްދު ކުށުގައި ކަނޑައަޅާ އަދަބު ސުޕްރީމް ކޯޓުން ނިންމުމުގެ ކުރިން ތަންފީޛުނުކުރެވޭތީ ޙުކުމުގެ އެބައި ބަދަލުކުރެވުނެވެ.