ޕްރޮސިކިއުޓަރ ޖެނެރަލް ވ. އާމިނަތު ޝަފީޤާ

ކްރިމިނަލް ކޯޓުން އިޢުތިރާފުގެ މައްޗަށް ކުށްވެރިކޮށް، ފުރަތަމަ ފަހަރުކަމަށް ބަލައި، ޖިންސީ ކުށުގެ ޤާނޫނުގެ 27 (ށ) ގެ ދަށުން 100 އެތިފަހަރުން ޙައްދު ޖަހައި 1 އަހަރު ގޭބަންދަށް ޙުކުމްކުރި.

ކައިވެންޏަކާ ނުލައި ދަރިއަކު ލިބުމާ ގުޅިގެން، ދަޢުވާލިބޭ ފަރާތް ރައްޓެއްސަކާއެކު ޒިނޭކުރިކަމަށް ތަޙްޤީޤުގައާއި ޝަރީޢަތުގެ މަޖިލީހުގައި އިޢުތިރާފުވި.

ޕްރޮސިކިއުޓަރ ޖެނެރަލް، ސުޕްރީމް ކޯޓުގެ 2015/14/SC ސަރކިއުލަރގެ ދަށުން ނިހާއީ ޙުކުމެއްގެ ޞައްޙަކަން ކަށަވަރުކުރުމަށް ހުށަހެޅި 3 ނުކުތާ: އިޢުތިރާފު ޞައްޙަކަމާއި ކުށް ޝައްކުން އެއްކިބާ މިންވަރަށް ސާބިތުވާކަން، ދަޢުވާލިބޭ ފަރާތަށް ޤާނޫނުއަސާސީ ޙައްޤުތައް ލިބިދީފައިވާކަން، އަދި ޙައްދު ޖެހުން މަނާކުރާ ސަބަބެއް ނެތްކަން ކަށަވަރުކުރުން. ދަޢުވާލިބޭ ފަރާތް ހައިކޯޓުގައިވެސް އިޢުތިރާފު ކަށަވަރުކޮށްދިން.

ޒިނޭގެ ކުށަށް ޝަރީޢަތުގެ މަޖިލީހުގައި ވެފައިވާ އިޢުތިރާފުގެ މައްޗަށް ކްރިމިނަލް ކޯޓުން ކުރި ޙައްދާއި ގޭބަންދުގެ ނިހާއީ ޙުކުމަކީ ޞައްޙަ ޙުކުމެއްތޯ.

ދަށުކޯޓުގެ ޙުކުމް ޞައްޙަކަމަށް ކަނޑައަޅައި ޤާއިމް

ހައިކޯޓުން ސުވާލުކޮށް އިޢުތިރާފު ޞައްޙަކަން ކަށަވަރުކުރި؛ ޤާނޫނުއަސާސީ ޙައްޤަކުން މަޙްރޫމްކޮށްފައިވާކަން ނޭނގޭ؛ އަދަބު ތަންފީޛުކުރުން މަނާކުރާ ސަބަބެއް ނެތުމުން ޙުކުމް ޞައްޙަ ކަމަށް ކަނޑައެޅި.