ޕްރޮސިކިއުޓަރ ޖެނެރަލް ވ. ޢަލީ ޢީސާ

ތަޙްޤީޤުގައި ސުވާލުނުކުރާ ކުށެއްގެ ތުހުމަތަށް ދަޢުވާ އުފުލި، ތަޙްޤީޤުގައި ލިބެންޖެހޭ ޙައްޤުތައް ނުދީ އުފުލި ދަޢުވާއެއް ކަމަށް ބަލައި، ދަޢުވާ މަޢުޟޫޢީގޮތުން ކުރިއަށް ނުގެންދެވޭނެ ކަމަށް ބުރުނީ މެޖިސްޓްރޭޓް ކޯޓުން ނިންމިއެވެ.

އިތުބާރުކުރެވޭ މަޤާމެއްގައިހުރެ ކުޑަކުއްޖަކާމެދު ޖިންސީ ޢަމަލު ހިންގުމުގެ ދަޢުވާ ދައުލަތުން އުފުލިއިރު، ހައްޔަރުކުރިއިރު ދިން ޤާނޫނީ އިންޒާރާއި ބަންދު އިތުރުކުރުމުގައި ބަޔާންކުރީ އެއް އަހަރެއްގެ ޖަނަވަރީ މަހު ހިނގި ހާދިސާއެއް ކަމަށް ވެފައި، ދަޢުވާ އުފުލީ ތަފާތު އަހަރެއްގެ ޑިސެންބަރު މަހު ހިނގި ހާދިސާއަކަށެވެ.

ދައުލަތުން ބުނީ އިންޓަވިއު ރެކޯޑިންގުގައި ފަހުގެ ހާދިސާއާ ގުޅިގެންވެސް ސުވާލުކޮށްފައިވާތީ މިއީ illegality އެއް ނޫން، irregularity އެއް ކަމަށެވެ. ރައްދުވާ ފަރާތުން ބުނީ މި ނުކުތާ ދަށުކޯޓުގައި ނަގާފައިނުވާ ކަމަށާއި، އިޖުރާއީ ގޯސް ރަނގަޅުކުރެވޭނެ ގޯހެއް ނޫންކަމަށާއި ނެތްކަމުގެ ދިފާޢު ގެއްލޭ ކަމަށެވެ.

ހައްޔަރުކުރިއިރު ދިން ޤާނޫނީ އިންޒާރާއި ތަޙްޤީޤުގައި ބަޔާންކުރި ހާދިސާގެ ތާރީޚާ ތަފާތު ދުވަސްވަރެއްގެ ހާދިސާއަކަށް ދަޢުވާ އުފުލުމަކީ ތުހުމަތުކުރެވޭ ފަރާތުގެ އަސާސީ ޙައްޤުތައް ގެއްލި ދަޢުވާ ބާޠިލުވާ ފަދަ އިޖުރާއީ ގޯހެއްތޯ؛ އަދި ދަށުކޯޓުން ތަޠްބީޤުކުރި ސުޕްރީމް ކޯޓުގެ ޤަޟިއްޔާއަކާ ޚިލާފުކަމަށް ބުނެ އިސްތިއުނާފު ހުށަހެޅޭތޯ.

ދަށުކޯޓުގެ ނިންމުން ބާޠިލު، އެހެނިހެން ހުށަހެޅުންތަކާމެދު ގޮތެއް ނިންމުމުން ފެށިގެން އަލުން ބެލުމަށް ދަށުކޯޓަށް ފޮނުވި

ތާރީޚު ބަދަލުވުމުން ސުވާލުކުރުމަކީ ރަނގަޅު ގޮތް ނަމަވެސް، ތަޙްޤީޤުގައި ފަހުގެ ހާދިސާއާ ގުޅިގެން ސުވާލުކޮށްފައިވާތީއާއި ކުށުގެ ޒާތަށް ބަދަލެއް ނައިސް އެކަށީގެންވާ ނޯޓިސް ލިބިފައިވާތީ، މިއީ ދަޢުވާ ބާޠިލުކުރުވާ ޢައިބެއް ނޫނެވެ.