ޕްރޮސިކިއުޓަރ ޖެނެރަލް ވ. އަޙްމަދު ރައޫފު

ކްރިމިނަލް ކޯޓުން 30 ސެޕްޓެމްބަރު 2019 ގައި ޝަރުޠުތަކާއެކު ބަންދުން ދޫކޮށްލުމަށް އަމުރުކުރިއެވެ.

އިތުރު ބަޔަކާ ގުޅިގެން ދިވެހިރާއްޖެއަށް މަސްތުވާތަކެތި އެތެރެކޮށް ވިޔަފާރިކުރާކަމަށް ތުހުމަތުކުރެވޭ ފަރާތެއް ޝަރީޢަތް ނިމެންދެން ކަސްޓޯޑިއަލް ޖަލެއްގައި ބަހައްޓަން ޕޮލިހުން އެދުނެވެ.

ޕީޖީ ބުނީ އަމުރަކީ ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59، 60(ށ)، 63 ވަނަ މާއްދާތަކާއި ޤާނޫނުއަސާސީގެ 143(ރ) ގެ ސާބިޤާ އުޞޫލާ ޚިލާފު އަމުރެއް ކަމަށެވެ.

މަސްތުވާތަކެތި އެތެރެކޮށް ވިޔަފާރިކުރުމުގެ ތުހުމަތުގައި ބަންދުކުރެވިފައިވާ މީހަކު ޝަރުޠުތަކާއެކު ބަންދުން ދޫކޮށްލުމަށް ކްރިމިނަލް ކޯޓުން ނެރުނު އަމުރު ޤާނޫނުއަސާސީގެ 49 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 22(ޅ)، 59، 60(ށ)، 63 ވަނަ މާއްދާތަކާއި ސާބިޤާތަކާ ޚިލާފުތޯ.

ދަށުކޯޓުގެ އަމުރު ބާޠިލު؛ ބަންދާމެދު ކްރިމިނަލް ކޯޓުން އަލުން ގޮތެއް ނިންމަންޖެހޭނެކަމަށް ކަނޑައެޅި

ތުހުމަތަކީ ޖިނާއީ ބޮޑު ކުށެއް ކަމާއި ތުހުމަތުއުފެދޭ މިންވަރަށް ހެކި ހުރުމުން މުޖުތަމަޢަށް ނުރައްކާ ނުފޯރުވޭނެ ތަނެއްގައި ބަހައްޓަންޖެހޭތީ އަމުރު ބާޠިލުކުރިއެވެ. މައްސަލަ ކްރިމިނަލް ކޯޓުގައި ޝަރީޢަތުގައި އޮތުމުން ބަންދާމެދު އަލުން ނިންމަންވީ އެ ކޯޓުންކަމަށް ކަނޑައެޅިއެވެ.