ޕްރޮސިކިއުޓަރ ޖެނެރަލް ވ. ޢަބްދުﷲ މުޙައްމަދު

ކްރިމިނަލް ކޯޓުން ޤާނޫނު ނަންބަރު 12/2009 (ކުޑަކުދިންނަށް ޖިންސީ ގޯނާކުރާ މީހުންނާމެދު ޚާއްޞަ އުޞޫލުތަކަކަށް ޢަމަލުކުރުމުގެ ޤާނޫނު) ގެ 47 ވަނަ މާއްދާގައިވާ މިންވަރަށް ހެކި ނުލިބޭތީ ދަޢުވާ ސާބިތުނުވާކަމަށް ނިންމިއެވެ.

ތުހުމަތުކުރެވޭ ފަރާތުގެ މައްޗަށް 2013 ގައި 3 އަހަރުގެ ކުއްޖަކާއެކު ޖިންސީ ޢަމަލެއް ހިންގިކަމަށް ޤާނޫނު ނަންބަރު 12/2009 ގެ 3 (ހ) ގެ ދަށުން ދަޢުވާކުރެވުނެވެ. ތުހުމަތު އިންކާރުކުރިއެވެ. ދައުލަތުން ކުއްޖާގެ މަންމައާއި ސޯޝަލް ސަރވިސް ވޯކަރ ހިމެނޭ ހެކިވެރިން، މެޑިކޯ ލީގަލް ރިޕޯޓާއި ޑޮކްޓަރު ހުށަހެޅިއެވެ.

ދައުލަތުން ބުނީ އެކަށީގެންވާ ޝައްކެއްނެތް މިންވަރަށް ހެކި ލިބިފައިވާކަމަށާއި، ހެކި ވަޒަންކުރުމުގައި ހައިކޯޓުގެ 2012/HC-A/129 ގެ އުޞޫލަށް ދަށުކޯޓުން ތަބާނުވާކަމަށެވެ.

ކުޑަކުއްޖަކާއެކު ޖިންސީ ޢަމަލެއް ހިންގުމުގެ ދަޢުވާގައި، ޤާނޫނު ނަންބަރު 12/2009 ގެ 47 ވަނަ މާއްދާގައިވާ ފަސް ބާވަތުގެ ހެކި ހަމަވެފައި ނުވާތީ ދަޢުވާ ސާބިތުނުވާކަމަށް ކްރިމިނަލް ކޯޓުން ކުރި ނިންމުމަކީ ރަނގަޅު ނިންމުމެއްތޯ، އަދި ހައިކޯޓުގެ 2012/HC-A/129 ގެ އުޞޫލަށް ރިޢާޔަތްކުރަންޖެހޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ކުއްޖާ ކިޔައިދިން ވާހަކަތައް އެއް ބާވަތެއްގެ ހެކިގެ ގޮތުގައި ބެލެވޭތީ، މެޑިކޯ ލީގަލް ރިޕޯޓާއި ޑޮކްޓަރީ ދިމާވުމާއެކު ހަމަވަނީ ތިން ބާވަތުގެ ހެކިކަމާއި، ފަސް ބާވަތް ހަމަނުވާތީ ދަޢުވާ ސާބިތުނުވާކަމަށް ކޯޓުން ކަނޑައެޅިއެވެ.