ޕްރޮސިކިއުޓަރ ޖެނެރަލް ވ. -

ކްރިމިނަލް ކޯޓުން ސިޓީގައި ބުނީ، ޑްރަގް އޮފެންޑަރސް ރިމާންޑް ސެންޓަރެއްގައި ބަންދުކުރުމަށް އަމުރުކުރުމުގެ ޤާނޫނީ އަސާސެއް އެ ކޯޓަށް ނެތްކަމަށާއި، ފަރުވާއާ ގުޅޭ ކަންކަމުގެ އިޚްތިޞާޞް ލިބިގެންވަނީ ޑްރަގް ކޯޓަށްކަމަށާއި، ފޯމު އިޞްލާޙުކުރުމަށް ފުރުޞަތު ދިން ނަމަވެސް އިޞްލާޙުނުކުރިކަމަށެވެ.

މަސްތުވެފައި މަގުމައްޗަށް ވެއްޓިފައި އޮތް މީހަކު ފުލުހުން ހައްޔަރުކޮށް، މަސްތުވާތަކެއްޗާބެހޭ ޤާނޫނުގެ 103 ވަނަ މާއްދާގެ ދަށުން ޑްރަގް އޮފެންޑަރސް ރިމާންޑް ސެންޓަރެއްގައި 15 ދުވަހަށް ބަންދުކުރުމަށް އެދި ކްރިމިނަލް ކޯޓަށް ފޯމު ހުށަހެޅި. ކޯޓުން ގޮތެއް ނުނިންމާތީ ފުލުހުން ސިޓީއަކުން ސުވާލުކުރުމުން، ކްރިމިނަލް ކޯޓުން ސިޓީއަކުން ޖަވާބުދިނެވެ.

ޕްރޮސިކިއުޝަނުން ބުނީ، ފޯމާމެދު އަމުރެއް ނުނެރުމުން އިސްތިއުނާފީ ޙައްޤު ގެއްލުނުކަމަށާއި، SCPD-02/2022 ގެ ދަށުން އެދުނު ދުވަހު ގޮތެއް ނިންމަންޖެހޭކަމަށާއި، ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 103 ވަނަ މާއްދާއަކީ ޚާއްޞަ ޤާނޫނެއްގެ ޚާއްޞަ އިޖުރާއަތެއްކަމުން ކްރިމިނަލް ކޯޓަށް އެ އަމުރު ނެރެވޭނެކަމަށެވެ. އިސްތިއުނާފު ރައްދުވާ ފަރާތެއް ނެތެވެ.

ފުލުހުން ބަންދާމެދު ގޮތެއް ނިންމުމަށް އެދި ހުށަހެޅި ފޯމާމެދު ކްރިމިނަލް ކޯޓުން އަމުރެއް ނެރުމެއްނެތި ސިޓީއަކުން ޖަވާބުދިނުމަކީ ޤާނޫނީ އިޖުރާއަތާ ޚިލާފު ކަމެއްތޯ؛ އަދި މަސްތުވާތަކެއްޗާބެހޭ ޤާނޫނުގެ 103 ވަނަ މާއްދާގެ ދަށުން ޑްރަގް އޮފެންޑަރސް ރިމާންޑް ސެންޓަރެއްގައި ބަންދުކުރުމަށް އަމުރުކުރުމުގެ އިޚްތިޞާޞް ކްރިމިނަލް ކޯޓަށް ލިބިގެންވޭތޯ.

ކްރިމިނަލް ކޯޓުން ޢަމަލުކޮށްފައިވަނީ އިޖުރާއަތާ ޚިލާފަށްކަމަށް ކަނޑައެޅި؛ މަސްތުވާތަކެއްޗާބެހޭ ޤާނޫނުގެ 103 ވަނަ މާއްދާގެ ނުކުތާއާމެދު ގޮތެއް ނުނިންމާ

ފޯމާމެދު ގޮތެއް ނުނިންމުމަކީ ޕްރޮސިކިއުޝަނުން ހަވާލާދިން އުޞޫލުތަކާ ޚިލާފު ކަމެއްކަމުން އިސްތިއުނާފީ ޙައްޤަށް ހުރަސްއެޅުނުކަމަށް ކޯޓު އެއްބަސްވި. ޤާނޫނު ނަންބަރު 17/2011 (މަސްތުވާތަކެއްޗާބެހޭ ޤާނޫނު) ގެ 103 ވަނަ މާއްދާގެ މާނައާމެދު ސިޓީއެއްގެ ތެރެއިން ގޮތެއް ނުނިންމޭނެއެވެ.