ޕްރޮސިކިއުޓަރ ޖެނެރަލް ވ. -

އިންޓެލިޖެންސް މަޢުލޫމާތު އެކަނި އޮވެ، އެއަށް ބާރުދޭނެ އިތުރު ހެއްކެއް ނެތުމުން އެކަށީގެންވާ ސަބަބެއް އޮތްކަމަށް ބުރަނުވެވޭތީ، ބަލާފާސްކުރުމުގެ އަމުރު ނުދެވޭނެކަމަށް ކްރިމިނަލް ކޯޓުން ނިންމިއެވެ.

މަސްތުވާތަކެތި އެތެރެކުރާ ފަރާތްތަކާ ގުޅިގެން މަސްތުވާތަކެތި ހޯދާކަމަށް ޝައްކުކުރެވޭ ފަރާތަކުން ހިންގާ ފިހާރައެއްގައި މަސްތުވާތަކެތީގެ ވިޔަފާރި ކުރާކަމަށް ފުލުހުންގެ އިންޓެލިޖެންސަށް މަޢުލޫމާތު ލިބުމުން، އެތަން ބަލާފާސްކުރުމުގެ އަމުރަކަށް ފުލުހުން ކްރިމިނަލް ކޯޓަށް އެދުނެވެ.

ޕްރޮސިކިއުޓަރ ޖެނެރަލް ބުނީ، އަމުރަކީ ޖިނާއީ އިޖުރާއާތުގެ ޤާނޫނުގެ 32 ވަނަ މާއްދާގެ (ށ) ގެ މަޤްޞަދު ގެއްލޭގޮތަށް ނެރުނު އަމުރެއް ކަމަށެވެ.

މަސްތުވާތަކެތީގެ ވިޔަފާރި ކުރާކަމަށް ފުލުހުންނަށް ލިބުނު އިންޓެލިޖެންސް މަޢުލޫމާތު އެކަނި އޮތުމަކީ، ތަނެއް ބަލާފާސްކުރުމުގެ ކޯޓު އަމުރު ދިނުމަށް ޖިނާއީ އިޖުރާއާތުގެ ޤާނޫނުގެ 32 ވަނަ މާއްދާގެ (ށ) ގައިވާ 'އެކަށީގެންވާ ސަބަބެއް' ކަމުގައި ބެލެވިދާނެތޯ.

ކްރިމިނަލް ކޯޓުގެ އަމުރު ބާޠިލު

މަސްތުވާތަކެއްޗާބެހޭ ޤާނޫނުގެ 147 ވަނަ މާއްދާއާއި ޖިނާއީ އިޖުރާއާތުގެ ޤާނޫނުގެ 212(ނ) އަށް ބަލާއިރު، ތަޙްޤީޤީ މަރުޙަލާގައި ބަލަންޖެހޭނީ probable cause އޮތްތޯ ކަމާއި، ދައުލަތުގެ މުވައްސަސާއަކުން ހުށަހަޅާ އިންޓެލިޖެންސް ރިޕޯޓަކީ ބަލާފާސްކުރުމަށް އެކަށީގެންވާ ސަބަބަކަށް ފުދޭ ކަމެއްކަމަށް ހައިކޯޓުން ކަނޑައެޅިއެވެ.