ޕްރޮސިކިއުޓަރ ޖެނެރަލް ވ. -

ހެކީގެ ގޮތުގައި އޮތީ އިންޓެލިޖެންސް މަޢުލޫމާތު އެކަނި ކަމާއި އެއަށް ބާރުދޭނެ ހެކި ޤަރީނާއެއް ނެތުމުން 32 (ށ) ގެ ދަށުން އެކަށީގެންވާ ސަބަބެއް ނެތްކަމަށް ބުނެ ބަލައި ފާސްކުރުމުގެ އަމުރު ނުދެވޭނެކަމަށް ކްރިމިނަލް ކޯޓުން ނިންމިއެވެ.

ތުހުމަތުކުރެވޭ ފަރާތް އިތުރު ބަޔަކާ ގުޅިގެން މަސްތުވާތަކެތި ރާއްޖެއަށް އެތެރެކޮށް، ދިރިއުޅޭ ގޭގައި މަސްތުވާތަކެތި ގެންގުޅެ ވިޔަފާރިކުރާކަމަށް ފުލުހުންގެ އިންޓެލިޖެންސަށް ލިބުނު މަޢުލޫމާތާ ގުޅިގެން، އެ ތަން ބަލައި ފާސްކުރުމުގެ އަމުރަކަށް ފުލުހުން ކްރިމިނަލް ކޯޓަށް އެދުނެވެ.

ޕްރޮސިކިއުޓަރ ޖެނެރަލް ބުނީ އަމުރަކީ ޖިނާއީ އިޖުރާއަތުގެ ޤާނޫނުގެ 32 ވަނަ މާއްދާގެ (ށ) ގެ މަޤްޞަދު ގެއްލޭ ގޮތަށް ނެރުނު އަމުރެއް ކަމަށެވެ.

މަސްތުވާތަކެތީގެ ވިޔަފާރި ކުރާކަމަށް ބުނާ ތަނެއް ބަލައި ފާސްކުރުމުގެ އަމުރަކަށް އެދުމުގައި ފުލުހުންގެ އިންޓެލިޖެންސް މަޢުލޫމާތު އެކަނި، ޖިނާއީ އިޖުރާއަތުގެ ޤާނޫނުގެ 32 ވަނަ މާއްދާގެ (ށ) ގެ ދަށުން އެކަށީގެންވާ ސަބަބެއް (probable cause) ގެ ގޮތުގައި ފުދޭތޯ.

ދަށުކޯޓުގެ އަމުރު ބާޠިލު

ބަލައި ފާސްކުރުމުގެ މަރުޙަލާގައި ބަލަންޖެހޭނީ probable cause އެވެ. މަސްތުވާތަކެއްޗާބެހޭ ޤާނޫނުގެ 147 ވަނަ މާއްދާއަކީ ޚާއްސަ ޤާނޫނެއްގެ ޚާއްސަ އުޞޫލެއް ކަމުން، މަސްތުވާތަކެތީގެ މައްސަލަތަކުގައި އިންޓެލިޖެންސް ރިޕޯޓު އެކަށީގެންވާ ސަބަބެއްގެ ގޮތުގައި ފުދެއެވެ. ވީމާ ދަށުކޯޓުގެ އަމުރަށް ބަދަލުގެންނަން ޖެހެއެވެ.