ޕްރޮސިކިއުޓަރ ޖެނެރަލް ވ. -

ހުށަހެޅުނު ހެކިތަކަށް ބަލާއިރު ދަޢުވާއަކީ ކުރެވޭނެ ދަޢުވާއެއްކަމަށް މަދަނީ މިންގަނޑުން ޤަބޫލުނުކުރެވޭތީ، ޖިނާއީ އިޖުރާއަތުގެ ޤާނޫނުގެ 107 އާއި 115(ހ) ގެ ދަށުން މައްސަލަ ބަލައިނުގަނެ ދަޢުވާ ބާޠިލުކޮށް ފުވައްމުލަކު މެޖިސްޓްރޭޓް ކޯޓުން ނިންމި.

ކުޑަކުއްޖަކާއެކު ޖިންސީ ޢަމަލެއް ހިންގުމުގެ ތުހުމަތުގައި ދައުލަތުން ކުރި ދަޢުވާއަށް، އިބްތިދާއީ އަޑުއެހުމުގައި ތުހުމަތުކުރެވޭ ފަރާތް އިންކާރުކުރި. ދައުލަތުން 8 ޝަފަހީ ހެއްކާއި 4 ޤަރީނާ ހުށަހަޅާފައިވެއެވެ.

ޕްރޮސިކިއުޓަރ ޖެނެރަލް ބުނީ ނިންމުމަކީ ޤާނޫނުއަސާސީގެ 223 ވަނަ މާއްދާއާއި ޖިނާއީ އިޖުރާއަތުގެ ޤާނޫނުގެ 115 ވަނަ މާއްދާގެ (ހ) އާ ޚިލާފު ނިންމުމެއް ކަމަށެވެ.

ކުޑަކުއްޖަކާއެކު ޖިންސީ ޢަމަލެއް ހިންގުމުގެ ދަޢުވާއަށް ތުހުމަތުކުރެވޭ ފަރާތް އިންކާރުކުރުމުން، ޖިނާއީ އިޖުރާއަތުގެ ޤާނޫނުގެ 115 ވަނަ މާއްދާގެ (ހ) ގެ ދަށުން މަދަނީ މިންގަނޑުން ދަޢުވާ ބާޠިލުކުރުމުގައި ދަށު ކޯޓުން ހެކި ވަޒަންކުރީ ޤާނޫނާ އެއްގޮތަށްތޯ.

ދަށުކޯޓުގެ ނިންމުން ބާޠިލު؛ މައުޟޫޢަށް ބަލައި ފައިޞަލާކުރުމަށް މައްސަލަ އަލުން ބެލުމަށް ފޮނުވި

115(ހ) ގެ ދަށުން ބަލަންޖެހޭނީ ތުހުމަތު ކުރެވޭވަރުގެ އެކަށީގެންވާ ހެކި ހުށަހަޅާފައިވޭތޯ ކަމަށާއި، ދަޢުވާ ސާބިތުވޭތޯ ބަލަން ނުޖެހޭ ކަމަށާއި، ދަޢުވާގެ ބާވަތާއި ހުށަހެޅުނު ހެކި ޤަރީނާއަށް ބަލާއިރު ތުހުމަތުކުރުމަށް އެކަށީގެންވާ ހެކި ހުރިކަމަށް ފެންނާތީ، ނިންމުން ބާޠިލުކޮށް ކޯޓުތަކުގެ ޤާނޫނުގެ 46(ށ) ގެ ދަށުން މައްސަލަ މެޖިސްޓްރޭޓް ކޯޓަށް ތަޙްވީލުކުރި.