ނިޒާރު އަޙްމަދު ވ. މެޓިއޭ ޕވޓ ލޓޑ

ސިވިލް ކޯޓުން، އިސްތިއުނާފުކުރި ފަރާތަށް ތަން ބޭނުންކުރުމުގެ ޙައްޤު ސާބިތުނުވާތީ، މަހަކު 20,000 ރުފިޔާގެ މަގުން 27 މަހުގެ ކުލި 540,000 ރުފިޔާ ދައްކައި، 15 ދުވަހުގެ ތެރޭގައި ތަން ހުސްކޮށް ޙަވާލުކުރަން ޙުކުމްކުރިއެވެ.

އިމާރާތެއްގެ އެޕާޓްމަންޓެއް ކުއްޔަށް ދިނުމަށް ތަން ކުއްޔަށް ހިފި ކުންފުންޏާއި އެހެން ކުންފުންޏަކާ ދެމެދު ވެވުނު އެއްބަސްވުން ދެފަރާތުގެ ރުހުމުގައި ނިމުމަށްފަހު، އެ ކުންފުނީގެ ޑިރެކްޓަރު ކުލި ނުދައްކައި ތަނުގައި ދިރިއުޅެމުން ދިޔުމުން، ތަން ހުސްކުރުމަށާއި ކުލި ހޯދުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ތަން ކުއްޔަށް ހިފީ އަމިއްލަ ހައިސިއްޔަތުން އަނގަބަހުން ވެވުނު އެއްބަސްވުމަކުން ކަމަށާއި، ހެކި ހުށަހެޅުމުގެ ފުރުޞަތު ނުދިން ކަމަށާއި، ބާރުގެ ބުރަ ފުރިހަމަނުވާ ކަމަށާއި، އިކުއިޓީގެ އުޞޫލަށް ރިޢާޔަތްނުކުރި ކަމަށެވެ.

ކުންފުންޏެއްގެ ޑިރެކްޓަރެއްގެ ޙައިޘިއްޔަތުން ސޮއިކުރި ކުލީގެ އެއްބަސްވުމެއް ނިމުމަށްފަހު، އެ ޑިރެކްޓަރު އަމިއްލަ ހައިސިއްޔަތުން އެޕާޓްމަންޓް ބޭނުންކުރުމުގެ ޙައްޤެއް ސާބިތުކޮށްދީފައިވޭތޯ، އަދި ދަށުކޯޓުން ހެކި ހުށަހެޅުމުގެ ފުރުޞަތު ނުދީ މައްސަލަ ނިންމާފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަށުކޯޓުގައި އަނގަބަހުން ވެވުނު އެއްބަސްވުމެއްގެ ވާހަކަ ނުދައްކާކަމާއި، ލިޔުމުން ވާ އެއްބަސްވުމަކީ ކުންފުންޏާ ދެމެދު ވާ އެއްބަސްވުމެއް ކަމާއި، ދެވުނު މުއްދަތުގައި ހެކި ހުށަނޭޅުނު ކަމާއި، ބޭނުންކުރުމުގެ ޙައްޤު ސާބިތުކުރުމުގެ ބުރަ އޮތީ އިސްތިއުނާފުކުރި ފަރާތުގެ މައްޗަށް ކަމަށް ބަލައި ޙުކުމް ޤާއިމުކުރިއެވެ.