ނަން ސިއްރު ކުރެވިފައި ވ. ނެތް

ފެމިލީ ކޯޓުން ނިންމީ މިއީ ކުންފުންޏެއްގެ ހިއްސާއާ ގުޅޭ ޙައްޤުތަކާ ބެހޭ މައްސަލައެއް ކަމުން ފެމިލީ ކޯޓުގެ އިޚްތިޞާޞްގައި ބެލޭނެ މައްސަލައެއް ނޫންކަމަށެވެ.

ބައްޕަ ނިޔާވި ކުޑަކުއްޖެއްގެ ނަމުގައި ކުންފުންޏެއްގެ ހިއްސާ އޮތުމުން، ކުއްޖާގެ މުދާ ބެލެހެއްޓުމާއި އެއިން މުޢާމަލާތްކުރުމުގެ ބާރު މަންމައާ ޙަވާލުކުރުމަށް މަންމަ ފެމިލީ ކޯޓަށް މައްސަލަ ހުށަހެޅިއެވެ. ކުއްޖާގެ ބޭބެ ޝަރުޢީ ބަލަދުވެރިޔާގެ ޙައިޞިއްޔަތުން ތަދައްޚުލުވިއެވެ.

މަންމަގެ ފަރާތުން ބުނީ މިއީ ޢާއިލާއާބެހޭ ޤާނޫނުގެ ދަށުން ކުއްޖާގެ މުދާ ބެލެހެއްޓުން ޙަވާލުކުރުމުގެ މައްސަލައެއް ކަމުން ފެމިލީ ކޯޓަށް އިޚްތިޞާޞް ލިބޭ ކަމަށާއި، ޚަޞްމުންގެ ބަސް ނުހޯދާ ނިންމި ކަމަށެވެ. ތަދައްޚުލުވި ފަރާތުން ބުނީ ފިޔަވަޅު އަޅަންޖެހޭ ޙާލަތެއް ނެތްކަމަށާއި ކުންފުނި ހިންގުމުގެ ކަންކަމަކީ ސިވިލް ކޯޓުގެ އިޚްތިޞާޞް ކަމަށެވެ.

ބައްޕަ ނިޔާވެފައިވާ ކުޑަކުއްޖެއްގެ މުދާ (ކުންފުންޏެއްގެ ހިއްސާ ހިމެނޭ ގޮތަށް) ބެލެހެއްޓުމާއި އެއިން މުޢާމަލާތްކުރުމުގެ ބާރު މަންމައާ ޙަވާލުކުރުމަށް ޢާއިލާއާބެހޭ ޤާނޫނުގެ ދަށުން ހުށަހަޅާ މައްސަލައެއް ބެލުމުގެ އިޚްތިޞާޞް ފެމިލީ ކޯޓަށް ލިބިގެންވޭތޯ.

ދަށުކޯޓުގެ ޙުކުމް ބާޠިލު، މައުޟޫޢުގައި ގޮތެއް ނިންމުމަށް ފެމިލީ ކޯޓަށް ތަޙުވީލުކުރި

ކުއްޖާގެ ބަލަދުވެރިކަމާއި މުދަލާ ގުޅޭ މައްސަލަތަކަކީ ކޯޓުތަކުގެ ޤާނޫނުގެ ޖަދުވަލު 2 ގެ ދަށުން ފެމިލީ ކޯޓުގެ އިޚްތިޞާޞްގައި ހިމެނޭ ކަމެއް ކަމުންނާއި، އިޚްތިޞާޞާ ގުޅޭ ގޮތުން ޚަޞްމުންގެ ބަސް ނުހޯދާ ނިންމާފައިވާތީ، ނިންމުން ބާޠިލުކޮށް މައްސަލަ ތަޙުވީލުކުރިއެވެ.