މުޙައްމަދު މުސްތަފާ ވ. އެމެޓީ އެންޓަރޕްރައިސަސް ޕްރައިވެޓް ލިމިޓެޑް

ސިވިލް ކޯޓުން ހިސާބުގެ ފައިސާ ނަގައިނުދީ (ފަހުގެ ހިސާބު ނިންމި ލިޔުމާއި ޗެކު ޙަވާލުކުރިކަމުގެ ސަބަބުން)، ނުލިބިވާ ކުލި ދެއްކުމަށް ޙުކުމްކޮށް، ގެއްލުމުގެ ބަދަލު ނަގައިނުދިނެވެ.

ދެފަރާތުގެ މެދުގައި އޮތް ހިސާބެއް ނިންމިއިރު ދައްކަންޖެހިފައިވާ ފައިސާއާއި، ކުއްޔަށް ދީފައިވާ ޢިމާރާތެއްގެ ފުރަތަމަ ފަންގިފިލާގެ ނުލިބިވާ ކުލި ހޯދުމަށް ކުންފުންޏަކުން ފަރުދެއްގެ މައްޗަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ އޭނާގެ ނުކުތާތަކަށް ފުރިހަމައަށް ރިޢާޔަތް ނުކޮށް، ޤާނޫނުއަސާސީގެ 42 ވަނަ މާއްދާގެ (ށ) ގެ ހަމަހަމަކަމާއި އިންޞާފުވެރިކަން ގެއްލޭގޮތަށް މައްސަލަ ނިންމި ކަމަށެވެ.

ސިވިލް ކޯޓުގެ އެއް ޙުކުމެއް އަނެއް ފަރާތުން ކުރި އިސްތިއުނާފެއްގައި ހައިކޯޓުން ކުރިން ބަލާ، ޙުކުމަށް ބަދަލު ގެންނަންޖެހޭ ސަބަބެއް ނެތްކަމަށް ކަނޑައަޅާފައިވާއިރު، އެ ޙުކުމެއް ދެވަނަ ފަރާތުން ކުރި އިސްތިއުނާފުގައި އިތުރު ގޮތެއް ކަނޑައަޅަންޖެހޭތޯ.

އިތުރު ގޮތެއް ކަނޑައަޅާނެ ތަނެއް ނެތް؛ ދަށުކޯޓުގެ ޙުކުމް ޤާއިމް

އެ ސިވިލް ކޯޓުގެ ޙުކުމް އިސްތިއުނާފުކުރުމަށް ރައްދުވި ފަރާތުން ހުށަހެޅި 2016/HC-A/199 ޤަޟިއްޔާގައި ޙުކުމަށް ބަދަލު ގެންނަން ނުޖެހޭކަމަށް ހައިކޯޓުން ކަނޑައަޅާފައިވާތީ، މި އިސްތިއުނާފުގައި އިތުރު ގޮތެއް ކަނޑައަޅަން ނުޖެހޭކަމަށް ކަނޑައެޅިއެވެ.