މުޙައްމަދު ހާޝިމް ވ. ޕަބްލިކް ސަރވިސް މީޑިއާ

ވަކިކުރުމުގައި މައުޟޫޢީ ޢަދުލުވެރިކަން ޤާއިމުވެފައިވާތީ ވަޒީފާ އިޢާދަކުރުމަށް އަމުރުނުކުރެވޭނެކަމަށާއި، އިޖުރާއީ ޢަދުލުވެރިކަން ފުރިހަމައަށް ޤާއިމުނުކުރާތީ 21,300 ރުފިޔާ ބަދަލު ދިނުމަށް ޓްރައިބިއުނަލުން ނިންމިއެވެ.

ޕަބްލިކް ސަރވިސް މީޑިއާގެ ޕްރޮކިއުމަންޓް ޑިރެކްޓަރަކު، ލީގަލް ޔުނިޓުން ކުރި ތަޙްޤީޤުތަކުން ޤަވާޢިދާއި މާލިއްޔަތު އުޞޫލުތަކާ ޚިލާފު ކަންތައްތައް ކޮށްފައިވާކަން ސާބިތުވާކަމަށް ބުނެ ވަޒީފާއިން ވަކިކުރިއެވެ.

މުވައްޒަފުން ބުނީ ކުރިން ނަސޭހަތެއް/އިންޒާރެއް ނުދީ، ޔައުމިއްޔާއަކަށް ބުރަވެ، ވަޒީފާގެ ބަޔާނާ ޚިލާފަށް ނިންމިކަމަށާއި ވަކީލު ފީ ނަގައިނުދިނުމަކީ ކޮންޓްރެކްޓާބެހޭ ޤާނޫނާ ޚިލާފުކަމަށެވެ. ވަޒީފާދޭ ފަރާތުން ބުނީ ޤާނޫނުގެ ނޯޓިސް ނުދީ ވަކިކުރުމުގެ މާއްދާގެ ދަށުން ވަކިކުރިކަމަށެވެ.

ނޯޓިސް ނުދީ ވަޒީފާއިން ވަކިކުރުމުގައި މައުޟޫޢީ ޢަދުލުވެރިކަން (އެކަށީގެންވާ ސަބަބު) ޤާއިމުވެފައިވާކަމަށް ޓްރައިބިއުނަލުން ނިންމި ނިންމުމަކީ ރަނގަޅު ނިންމުމެއްތޯ؛ އަދި ވަކީލު ފީ ފަދަ ޚަރަދު ބަދަލުގެ ގޮތުގައި ނަގައިނުދިނުމަކީ ކޮންޓްރެކްޓާބެހޭ ޤާނޫނާ ޚިލާފުތޯ.

އިސްތިއުނާފު ބާޠިލް، ޓްރައިބިއުނަލްގެ ނިންމުން ޤާއިމް

ތަޙްޤީޤުތަކުން ފާހަގަކުރި ކަންތައްތަކަކީ ވަޒީފާގެ އަޚްލާޤު އެކަށީގެންނުވާކަން ދައްކާ ކަންތައް ކަމާއި، އެ ނަފީކުރެވޭ ކަމެއް މުވައްޒަފުން ނުދައްކާތީ ވަކިކުރި ސަބަބަކީ އެކަށީގެންވާ ސަބަބެއް ކަމާއި، ވަޒީފާގެ އެއްބަސްވުމުގައި ވަކީލު ފީ ބަޔާންނުކުރާތީ އެ ނަގައިނުދެވޭނެކަމެވެ.