2016/HC-A/225

ކްރިމިނަލް ކޯޓުން ދަޢުވާ ސާބިތުވާކަމަށް ކަނޑައަޅައި، ކޮންމެ މީހަކު 3 މަސްދުވަހަށް ޖަލަށްލުމަށް ޙުކުމްކޮށް، ޙުކުމް 3 އަހަރަށް ފަސްކުރި.

ވައިގެ ބަނދަރުގެ އިންޓަރނޭޝަނަލް ޓަރމިނަލްގެ ޑިޕާޗަރ ހޯލް ކުރިމަތީގައި 15 މީހަކު އެއްވެ، ރައީސް މުޙައްމަދު ނަޝީދު ދޫކޮށްލުމަށް އެދި ޕޯސްޓަރުތައް ހިފައިގެން އަޑުއުފުލައި މުޒާހަރާކުރުމުން، އަމުރަށް ނުކިޔަމަންތެރިވުމުގެ ދަޢުވާ ދައުލަތުން އުފުލި.

އިސްތިއުނާފުކުރި ފަރާތުން ބުނީ މަނާ ސަރަޙައްދެއްގައި "އެއްވުމެއް" ބޭއްވިކަމުގެ ކާފީ ހެއްކާއި ޤަރީނާ ނެތި މައްސަލަ ނިންމާފައިވާކަމަށާއި، ޙުކުމަކީ ޤާނޫނުއަސާސީގެ 59 ވަނަ މާއްދާއާ ޚިލާފު ޙުކުމެއްކަމަށެވެ.

ވައިގެ ބަނދަރުގައި ހުއްދަނެތި ބޭއްވުނު އެއްވުމެއްގައި ބައިވެރިވެ މުޒާހަރާކުރުމުން އަމުރަށް ނުކިޔަމަންތެރިވުމުގެ ކުށުގެ ދަޢުވާ ކާފީ ހެކިން ސާބިތުވޭތޯއާއި، ކަނޑައެޅި އަދަބަކީ ޤާނޫނުއަސާސީގެ 59 ވަނަ މާއްދާއާ ޚިލާފު އަދަބެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ދަޢުވާއަކީ މަނާ ސަރަޙައްދެއްގައި އޮތް އެއްވުމެއްގައި ބައިވެރިވުމުގެ މައްޗަށް އުފުލި ދަޢުވާއެއްކަމާއި، ދައުލަތުގެ ހެކިންނާއި ޤަރީނާތަކުން އެކަށީގެންވާ ޝައްކެތްނެތް މިންވަރަށް ދަޢުވާ ސާބިތުވާކަމާއި، ކަނޑައެޅި އަދަބަކީ ކުރީގެ އަދި މިހާރުގެ ޤާނޫނުލްޢުޤޫބާތުގެ އަދަބުގެ ތެރޭގައިވާ ފަނޑިޔާރުގެ ތަޤްދީރީ ބާރުގެ ދަށުން ކަނޑައެޅިދާނެ އަދަބެއްކަމާއި، ޤާނޫނުއަސާސީގެ 59 ވަނަ މާއްދާއާ ޚިލާފެއް ނޫންކަން.