މީޑިއާނެޓް ޕްރައިވެޓް ލިމިޓެޑް ވ. މުޙައްމަދު އިމްދާޙް ޝަފީޤު

ވަޒީފާއާބެހޭ ޓްރައިބިއުނަލުން ނިންމީ ރިޑަންޑަންސީ ނިންމުމަކީ އެންމެ ފަހުގެ ނިންމުން ކަމަށާއި ރިޑަންޑަންސީ ސާބިތުނުވާތީ ވަކިކުރީ އެކަށީގެންވާ ސަބަބެއް ނެތި ކަމަށް ކަނޑައަޅައި، އެއްބަސްވުމުގެ ބާކީ މުއްދަތަށް މުސާރައާއި އިނާޔަތްތައް ދިނުމަށެވެ.

ކުންފުނިން މުވައްޒަފަށް ރިޑަންޑަންސީ ނޯޓިސް ދިނުމުން މުވައްޒަފު އެ ނޯޓިސް އިސްތިއުނާފުކުރިއެވެ. ކުންފުނިން ނޯޓިސް ބާޠިލުކޮށް ވަޒީފާއަށް ނުކުތުމަށް އެންގިނަމަވެސް މުވައްޒަފު ވަޒީފާއަށް ނުނިކުމެ ޓްރައިބިއުނަލަށް މައްސަލަ ހުށަހެޅިއެވެ. އޭނާ ވަޒީފާއިން ވަކިކުރީ މައްސަލަ ހުށަހެޅުމަށްފަހު ޖަނަވަރީ 2018 ގައެވެ.

ކުންފުނިން ބުނީ ނޯޓިސް ބާޠިލުކުރި ކަމަށާއި މުވައްޒަފު ވަޒީފާއިން ވަކިވެފައި ނުވާތީ ޓްރައިބިއުނަލަށް އިޚްތިޞާޞް ނެތްކަމަށާއި، ޓްރައިބިއުނަލުން އެ ނުކުތާއާއި ހެކިތަކަށް ރިޢާޔަތް ނުކުރިކަމަށެވެ.

ރިޑަންޑަންސީ ނޯޓިސް ނޯޓިސްގެ މުއްދަތު ހަމަވުމުގެ ކުރިން ވަޒީފާދޭ ފަރާތުން ބާޠިލުކޮށް މުވައްޒަފު ވަޒީފާއަށް ނުކުތުމަށް އެންގުމަށްފަހު، މުވައްޒަފު ޓްރައިބިއުނަލަށް ހުށަހެޅި މައްސަލައަކީ (އޭރު ވަޒީފާއިން ވަކިކުރެވިފައި ނުވާތީ) ޓްރައިބިއުނަލަށް ބެލުމުގެ އިޚްތިޞާޞް ލިބިގެންވާ މައްސަލައެއްތޯ.

ޓްރައިބިއުނަލުގެ ނިންމުން ޤާނޫނާ ޚިލާފު (އިޚްތިޞާޞް ނެތް)؛ އިސްތިއުނާފު ބަލައިގަނެވިއްޖެ

ވަކިވާ ތާރީޚުގެ ކުރިން ނޯޓިސް ބާޠިލުކުރުމުން މައްސަލަ ހުށަހެޅިއިރު މުވައްޒަފަކީ ކުންފުނީގެ މުވައްޒަފެކެވެ. އެހެންކަމުން ޓްރައިބިއުނަލަށް އޭރު އިޚްތިޞާޞް ނެތެވެ.