ޢަލީ އާފާޤު ވ. ނެތް

ވަޒީފާއިން ވަކިކުރިތާ 3 މަސް ފާއިތުވިފަހުން ހުށަހެޅި މައްސަލައެއް ކަމުން ޓްރައިބިއުނަލުން ބެލެން ނެތް މައްސަލައެއްކަމަށް ނިންމިއެވެ.

އިސްތިއުނާފުކުރި ފަރާތް ރޯޑް ޑިވެލޮޕްމަންޓް ކޯޕަރޭޝަނުން 03 ފެބުރުވަރީ 2021 ގައި ވަޒީފާއިން ވަކިކުރުމުން، އެ މައްސަލަ ވަޒީފާއާބެހޭ ޓްރައިބިއުނަލަށް ހުށަހެޅިފައިވަނީ 23 މެއި 2021 / 02 ޖޫން 2021 ގައެވެ.

ތާރީޚުތައް ގޯސްކޮށް ލިޔެފައިވާކަމަށާއި، ލަސްވި ސަބަބު ހެއްކާއެކު ހުށަހެޅިނަމަވެސް ޤަވާޢިދުގެ 8 (ނ) ގެ އިޚްތިޔާރަށް ރިޢާޔަތް ނުކޮށް ނިންމިކަމަށް އިސްތިއުނާފުކުރި ފަރާތުން ބުންޏެވެ. އިސްތިއުނާފު ރައްދުވާ ފަރާތެއް ނެތް (ex parte).

ވަޒީފާއިން ވަކިކުރިތާ 3 މަސް ފާއިތުވުމަށްފަހު ހުށަހެޅި ޝަކުވާއަކީ ވަޒީފާއާބެހޭ ޓްރައިބިއުނަލުން ބެލެން ނެތް މައްސަލައެއްކަމަށް ނިންމުން ރަނގަޅުތޯއާއި، ފޯމާއެކު ހުށަހަޅަންޖެހޭ ލިޔުންތައް ހަމަނުކުރެވުމަކީ ލަސްވުމަށް އެކަށީގެންވާ މަޤްބޫލު ސަބަބެއްތޯ.

އިސްތިއުނާފު ބާޠިލް، ޓްރައިބިއުނަލުގެ ނިންމުން ޤާއިމް

ކޮން ތާރީޚެއްގައި ހުށަހެޅިކަމަށް ބެލިޔަސް މުއްދަތު ފާއިތުވިފަހުންކަން ޔަޤީނެވެ. ތާރީޚުގެ ގޯސްކަމަކީ ލިޔުމުގެ ކުށެކެވެ. ފޯމާއެކު ބޭނުންވާ ހެކި ލިޔުންތައް ހަމަނުކުރެވުމަކީ މަޤްބޫލު ސަބަބެއް ނޫނެވެ.