މުޙައްމަދު ފިރާޝް ވ. ޢާދިލް ރަޝީދު

10އިސްތިއުނާފުކުރާ ފަރާތުން އިސްތިއުނާފީ ނުކުތާތައް ތަފްޞީލްކޮށް އިސްތިއުނާފީ ފޯމުގައި ބަޔާންކޮށްފައިވެއެވެ. މިމޭރުމުން ޝަރީޢަތުގެ މަޖިލީހުގައިވެސް އެނުކުތތަކާ އާ ގުޅިގެން ވަރަށް ތަފްސީލްކޮށް ވާހަކަ ދައްކާފައިވެއެވެ. މިތަފްސީލުތަކަކީ ޝަރީޢަތް ނިމުނުގޮތުގެ ރިޕޯޓުގައި ހިމެނޭނެ ބައެއްކަމަށްވާތީ، ޙުލާސާ ގޮތެއްގައި އެކަންކަން ބަޔާންކުރާނަމަވެ. މިގޮތުން؛

1.10. އިސްތިއުނާފީ ފުރަތަމަ އަދި ދެވަނަ ނުކުތާގައި މައިގަނޑު ގޮތެއްގައި ދައްކާފައިވަނީ އިސްތިއުނާފުކުރާ ފަރާތް ވަޒީފާއިން ވަކިކުރި ތާރީޚާއި ގުޅޭ ގޮތުންނެވެ. މިގޮތުން މިނުކުތާ ތަފްސީލް ކުރަމުން އިސްތިއުނާފުކުރާ ފަރާތުން ބުނެފައިވަނީ އިސްތިއުނާފުކުރާ ފަރާތަށް ފޮނުވާފައިވާ އެސް.އެމް.އެސްއަކީ އޭނާ ވަޒީފާއިން ވަކިކުރުމަށް ފޮނުވާފައިވާ އެސް.އެމް.އެސް ނޫންކަން ސާފުކޮށް ފެންނަން އޮތްކަމަށެވެ. އިޝާރާތްކުރެވުނު އެސް.އެމް.އެސްގައި ވަނީ 01 ފެބްރުއަރީ އިން ފެށިގެނަ 1 މަސްދުވަހުގެ ނޯޓިސް ދޭ ވާހަކައާއި އޮފީހަށް ނުނިކުމެ މަޑުކޮށްލުމަށް ބުނެފައިވާ ވާހަކަ ކަމަށެވެ. ވަޒީފާއިން ވަކިކުރާ ޙާލަތުގައި ދެން ޢަމަލުކުރަންވާނެ ގޮތާއި އެކަންކަން ވަޒީފާއާބެހޭ ޤާނޫނުގައި ބަޔާންކުރާކަމަށާއި، އެޤާނޫނުގެ 22 ވަނަ މާއްދާގެ މައްޗަށް ނޒަ ރުކުރާއިރު ވަޒީފާއިން ވކަ ކުރިކަނި އަންގާ ލިޔުން ޙަވާލުކޮށްފައިވާ ތާރީޚަކީ 8 ފެބްރުވަރީ ކަމަށެވެ. އެހެންކަމުން މުޙައްމަދު ފިރާޟް ވަޒީފާއިން ވަކިކުރި ތާރީޚަކީ 8 ފެބްރުވަރީކަން ސާފުކަމަށެވެ. މީގެ އިތުރުން، އިސްތިއުނާފުކުރާ ފަރާތަށް ފޮނުވާފައިވާ އެސް.އެމް.އެސް ފޮނުވާފައިވަނީ އިސްތިއުނާފުކުރާ ފަރާތް އެއްވެސް އިރެއްގައި މަސައްކަތްކޮށްފައިވާ ފަރާތެއް ނންކަމަށއާ، އިސްތިއުނާފުކުރާ ފަރާތއަ ވަޒީފާއިން ރަސްމީކޮށް އަންގާ ނޯޓިސް ދީފައިވަނީ 08 ފެބްރުއަރީ 2021 ގައި ފޮނުވާފައިވާ termination of employment ލިޔުމުންކަމަށެވެ. އެހެންކަމުން ވަޒީފާއިން ވަކިކުރެވޭ ތާރީޚު ފެށިގެންދާނީ 08 ފެބްރުއަރީ 2021 ވަނަ ދުވަހުން ފެށިގެންކަމަށެވެ. އިސްތިއުނާފުކުރާ ފަރާތުން އެދޭ ގޮތް:

11އިސްތިއުނާފުކުރާ ފަރާތުން އެދިފައިވަނީ ވަޒީފާއާބެހޭ ޓްރައިބިއުނަލުގެ ނަންބަރު VTR/IJ/2021/27-200 "އިޖރާއީގޮތުނު ނިންމި ގޮތް" ނިންމާފައިވަނީ ޤާނޫނީ އުޞޫލުތަކާ ޚިލާފަށްކަމަށް ކަނޑައަޅުއްވައި ދެއްވައި މި މައްސަލައަކީ ވަޒީފާއާބެހޭ ޓްރައިބިއުނަލްއިން ބަލައިގަނެ އަލުން ބަލައި ކުރިއަށްގެންދަން ޖެހޭ މައްސަލައެއްކަމުގައި ކަނޑައަޅުއްވައިދިނުމަށެވެ. އިސްތިއުނާފު ރައްދުވާ ފަރާތުން ދެއްކި ވާހަކަތައް:

12މިއިސްތިއުނާފުގެ ޖަވާބުގައި އިސްތިއުނާފު ރައްދުވާ ފަރާތުން ބުނެފައިވަނީ މިމައްސަލައިގައި ހުޞ މާތު އުފެދިފައިވަނީ ވަޒީފާއިން ވަކިކުރެވިފައިވާ ތާރީޚާއި ގުޅޭގޮތުންކަމަށެވެ. މުވައްޒަފަކު ވަޒީފާއިން ވަކިކުރާތާ 3 މަސް ދުވަސް ތެރޭގައި އެކަމުގެ ޝަކުވާ ވަޒީފާއާބެހޭ ޓްރައިބިއުނަލަށް ހުށަހަޅަންޖެހޭނެކަމަށެވެ. ވަޒީފާއާބެހޭ ޓްރައިބިއުނަލްއިން ވަޒީފާއިން ވަކިކުރި ތާރީޚަކީ 01 ފެބްރުއަރީ 2021 ކަމަށް ބަލާފައިވަނީ ރަނގަޅަށްކަމަށެވެ. މިގޮތުން 01 ފެބްރުއަރީ 2021 ގައި ފޮނުވި އެސް.އެމް.އެސް އަކީ ވަޒީފާއިން ވަކިކުރި އެސް.އެމް.އެސްއެއް ކަމަށާއި، އޭގެ ފަހުން 08 ފެބްރުއަރީ 2021 ގައި ފޮނުވާފައިވާ ސިޓީއަކީ އެ އެސް.އެމް.އެސްއަށް ހަވާލާދީ ފޮނުވި ސިޓީއެއްކަމަށެވެ. އެހެންކަމުން ވަޒީފާއިން ވަކިކުރި ތާރީޚަކީ ކޮބައިކަން ވަރަށް ސާފުކޮށް އެނގެން އޮންނަކަމަށެވެ. އަދި ވަޒީފާއާބެހޭ ޓްރައިބިއުނަލްގެ އިޖރާއު ނިންމުން އެކަން ވަރަށް ސާފުކޮށް އެނގެން އޮންނަކަމަށެވެ. އެހެންކަމުން އެނިންމުން ރަނގަޅުކަމަށް ދެކޭކަމަށެވެ. އިސްތިއުނާފުކުރާ ފަރާތުން އެދޭ ގޮތް:

13އިސްތިއުނާފު ރައްދުވާ ފަރާތުން އެދިފައިވަނީ ވަޒީފާއާބެހޭ ޓްރައިބިއުނަލްގެ ނަންބަރު VTR/IJ/2021/27-200 "އިޖުރާއީގޮތުން ނިންމި ގޮތް" އަށް ބަދަލު ގެންނަންޖެހޭ ސަބަބެއް ނެތްކަމުގައި ކަނޑައަޅައި ދިނުމަށެވެ. ޝަރީޢަތަށް ފާހަގަކުރެވުނު ކަންތައްތައް:

14މިމައްސަލައާއި ގުޅިގެން ވަޒީފާއާބެހޭ ޓްރައިބިއުނަލްގެ ނަންބަރު VTR/IJ/2021/27-200 "އިޖުރާއީގޮތުން ނިންމި ގޮތް" އަށާއި، އެ ނިންމުން އިސްތިއުނާފު ކުރުމަށް މުޙައްމަދު ފިރާޟް ހުށަހަޅާފައިވާ ނުކުތާތަކަށާއި، އެނުކުތތަކާއާ ގުޅިގެން ދެފަރާތުން ހައިކޯޓުގެ ޝަރީޢަތުގެ މަޖިލީހުގައި ދައްކާފައިވާ ވާހަކަތަކަށާއި، މައްސަލައާއި ގުޅުންހުރި އެންމެހައި ލިއުންތަކަށް ބަލާއިރު އަންނަނިވި ކަންތައްތައް ޝަރީޢަތަށް ފާހަގަކުރެވެއެވެ.

15ވަޒީފާއާބެހޭ ޓްރައިބިއުނަލްގެ ނަންބަރު:VTR/IJ/2021/27-200 "އިޖުރާއީގޮތުން ނިންމި ގޮތް" ނިންމުން އިސްތިއުނާފުކުރަމުން މުޙައްމަދު ފިރާޟް ހުށަހަޅާފައިވާ ނުކުތާތަކަށް ބަލާއިރު، ހުޞމާތް އުފެދިގެން މިއުޅެނީ މުޙައްމަދު ފިރާޟް ވަޒީފާއިން ވަކިކުރި ތާރީޚް (effective date) އަކީ ކޮބާ ކަމާއި މެދުގައެވެ. އެހެންކަމުން، މިޤަޟިއްޔާގައި ހައިކޯޓުން ގޮތެއް ކަނޑައަޅަންޖެހޭނީ މުޙައްމަދު ފިރާޟް ވަޒީފާއިން ވަކިކުރީ 01 ފެބްރުއަރީ 2021 ގައި އިސްތިއުނާފު ރައްދުވާ ފަރާތުން ފޮނުވި އެސް.އެމް.އެސް ގައި އިން ތާރީޚު ތޯ ނުވަތަ 08 ފެބްރުއަރީ 2021 ގައި ފޮނުވި ސިޓގައީ އިން ތާރީޚު ތޯއެވެ.

16ޕްރިސިޑެންސް 1މުވައްޒަފަކު ވަޒީފާއިން ވަކިކޮށްފިނަމަ، އެކަމުގެ ޝަކުވާ ހުށަހަޅަން ލިބޭ މުއްދަތަކީ ވަޒީފާއިން ވަކި ކުރި ތާރީޚުން ފެށިގެން 03 (ތިނެއް) މަސް ދުވަހުގެ މުއްދަތެވެ. މުވައްޒަފަކު، ވަޒީފާއިން ވަކިކުރީ އެކަށީގެންވާ ސަބަބެއްނެތި، ނުވަތަ މައުޟޫއީ ޢަދުލުވެރިކަމާއި އިޖުރާއީ ޢަދުލުވެރިކަން ނެތިކަމަށް ޤަބޫލު ކުރެވިގެން ޤާނޫނުގައި ބަޔާންކުރާ މުއްދަތުގެ ތެރޭގައި ޝަކުވާ ހުށަހެޅުމުގެ ޙައްޤުގެ ބޭނުން ކުރެވޭނީ ވަޒީފާއިން ވަކިކުރި ތާރީޚް ސާފުކޮށް އެނގިގެންނެވެ. ޤާނޫނު ނަންބަރު: 2008/2 (ވަޒީފާއާބެހޭ ޤާނޫނު) ގެ 28 ވަނަ މާއްދާގެ (ހ) ގައި ބަޔާން ކޮށްފައި އޮތީ؛ ވަޒީފާއިން ވަކިކުރުމާ ވިދިގެން 28. (ހ) ނޯޓިސް ދިނުމަށްފަހު ނުވަތަ ނޯޓިސް ދިނުމަކާ ނުލައިނަމަވެސް، މުވައްޒަފަކު ވަޒީފާއިން ވަކިކޮށްފިނަމަ، އެވަޒީފާއިން އޭނާ ވަކިކުރީ ޝަކުވާ އުފުލުން އެކަށީގެންވާ ސަބަބެއްނެތި ކަމުގައި ވަޒީފާ އަދާކުރި މީހާއަށް ގަބލުކުރެވޭނަމަ، ވަޒީފާއިން ވަކިކުރި ތާރީޚުން ފެށިގެން ތިންމަސް ދުވަހުގެ ތެރޭގައި އެކަމުގެ ޝަކުވާ، ޓްރައިބިއުނަލަށް ހުށަހެޅުމުގެ ޙައްޤު އޭނާއަށް ލިބިގެންވެއެވެ. ވަޒީފާ އަދާކުރި މީހާއަށް ނޯޓިސް ލިބުނު ތާރީޚުން ފެށިގެން ޓްރައިބިއުނަލަށް މައްސަލަ ހުށަހެޅުމަކަށް މިމާއްދާ ހުރަހެއް ނާޅައެވެ .

17ވީމާ، ނޯޓިސް ދިނަސް ނުވަތަ ނޯޓިސް ނުދިނަސް ވަޒީފާއިން ވަކިކޮށްފިނަމަ، ޝަކުވާ ހުށަހެޅުމަށް ލިބިދޭ މުއްދަތަކީ ވަޒީފާއިން ވަކި ކުރި ތާރީޚުން ފެށިގެން (effective date) 03 މަސް ދުވަހެވެ. ވަޒީފާއިން ވަކިކުރީ ނޯޓިސް ދީގެންނަމަ، އެނޯޓިސް މުވައްޒަފަށް ލިބުނު ތާރީޚަކުން ފެށިގެން 03 މަސް ދުވަހުގެ ތެރޭގައި ވަޒީފާއިން ވަކިކުރުމުގެ މައްސަލަ ވަޒީފާއާބެހޭ ޓްރައިބިއުނަލްއަށް ހުށަހެޅުމުގެ އިޚްތިޔާރު ލިބިގެންވެއެވެ.

18ޕްރިސިޑެންސް 2ދެން ސުވާލަކީ، ތިންމަސް ހަމަ ކުރާން މުއްދަތު ހިސާބު ކުރާނީ ކިހިނެތް ހެއްޔެވެ؟ ޙަވާލާދެވޭ ވަކި ޤާނޫނެއްގައި މުއްދަތު ގުނަންޖެހޭ ވަކި ގޮތެއް ބަޔާން ނުކުރާނަމަ، ދެން ރުޖޫޢަވާންޖެހެނީ މާނަކުރުމުގެ ހަމަތައް ބަޔާން ކުރާ ޤާނޫނަށެވެ. އެޤާނޫނުގެ 35 ވަނަ މާއްދާގެ (ހ) ގައާ 07 ދުވަހަށްވުރެ ދިގުވާ މުއްދަތު ގުނާނެ ގޮތް ބަޔާން ކޮށްފައި ވެއެވެ. މުއްދަތު ބަލާނެގޮތް 35. (ހ) ވަގުތު ނުވަތަ މުއްދަތު ވަކި ޤާނޫނެއްގެ ބޭނުމަށްޓަކައި ބަލަންޖެހިއްޖެހިނދެއްގައި، އެ ޤާނޫނުގައި އެހެންގޮތަކަށް ކަނޑައަޅާފައިނުވާނަމަ، ދެ ކަމެއްގެ ދޭތެރޭގައި ހިނގާ މުއްދަތަށް އިޝާރާތްކޮށްފައިވާނަމަ، އެ މުއްދަތު ގުނަންވާނީ އެ ދެ ކަމެއް ހިނގާ ދެ ދުވަސް ނުހިމަނައެވެ.

19ވީމާ، ވަޒީފާއިން ވަކިކޮށްގެން ޝަކުވާ ހުށަހަޅާނަމަ، 03 މަސް ގުނާނީ، ވަޒީފާއިން ވަކި ކުރި ތާރީޚާއި 03 (މަސް) ހަމަވާ ތާރީޚު ނުހިމަނައި އެދެމެދުގައި ހިނގާ 30 ދުވަހަށެވެ. އެއީ ބަންދު ދުވަސްތައް ޤާނޫނު ނަންބަރު:2011/4 (މާނަކުރުމުގެ ހަމަތައް ބަޔާންކުރުމުގެ ޤާނޫނު) ވެސް ހިމަނަގައިގެންކަން، މިކޯޓުގެ ނަންބަރު 2013/HC-A/236 ޤަޟިއްޔާގައި މީގެ ކުރިން ބަޔާންކޮށްފައިވެއެވެ. މުޙައްމަދު ފިރާޟް ވަޒީފާއިން ވަކި ކުރި ތާރީޚް:

20މުޙައްމަދު ފިރާޟް ޤަބޫލުކުރާ ގޮތުން، އޭނާއަށް އެސް.އެމް.އެސް ފޮނުވި ތާރީޙަކީ އޭނާ ވަޒީފާއިން ވަކި ކުރި ތާރީޚެއް ނޫނެވެ. އޭނާ ވަޒީފާއިން ވަކި ކުރިތާރީޚަކީ އޭނާ ވަޒީފާއިން ވަކިކުރިކަން ރަސްމީކޮށް އޭނާއަށް އެންގި ތާރީޚެވެ. ނަމަވެސް އިސްތިއުނާފު ރައްދުވާ ފަރާތުން ބަޔާން ކުރަނީ، މުޙައްމަދު ފިރާޟްއަށް ފޮނުވި އެސް.އެމް.އެސް ގައި ސާފުކޮށް އޭނާ ވަޒީފާއިން ވަކި ކުރިކަން ބަޔާން ކޮށްފައި ވާނެ ކަމަ ށާއި، އެކަން ރަސްމީކޮށް ސިޓީއަކުން އަންގާނެ ކަމަށް ބުނެފައިވާނެ ކަމަށެވެ.

21މުޙައްމަދު ފިރާޟްއަށް އިސްތިއުނާފު ރައްދުވާ ފަރާތުން 01 ފެބުރުއަރީ 2021 ގައި ފޮނުވި އެސް.އެމް.އެސް ގައި ބަޔާން ކުރަނީ ތިރީގައިވާ ޢިބާރާތުންނެވެ. Dear: Firaz, Thanks for your msg to the CEO Mr.Adhil. With immediate effect we are giving you 1 month notice, pls note that an official letter of termination will be sent to you tomorrow during the official working hours. Kindly stay at home until furthr notice. During your notice period, we will be in touch with you to come to office for the hand over. Thank you, Acting CEO ދިވެހިރާއްޖޭގެ ހައިކޯޓުގެ ޑޭންޕޯލް ސްޓްރިބެޓިއު ވ. ކާސާ ހޯލްޑިންގްސް ޕްރައިވެޓް ލިމިޓެޑް ޤަޟިއްޔާގެ ފާހަގަކުރެވުނު ނުކުތާގެ (ނ)

22ޕްރިސިޑެންސް 4މަތީގައިވާ އެސް.އެމް.އެސް ގައި ބަޔާން ކުރާ ޢިބާރާތަށް ބެލުމުން، އެސް.އެމް.އެސް ކުރި ވަގުތުން ފެށިގެން އެކަމެއްވާނެ ކަމަށް (with immediate effect) ބަޔާން ކުރަނީ 01 މަސް ދުވަހުގެ ނޯޓިސް ދިނުމެވެ. ވަޒީފާއިން ވަކި ކުރުމެއް ނޫނެވެ.

23ޕްރިސިޑެންސް 3ވަޒީފާއާބެހޭ ޤާނޫނު ގެ 22 ވަނަ މާއްދާގެ (ހ) އާއި 25 ވަނަ މާއްދާއަށް ބަލާއިރު، ވަކި މުއްދަތެއް ކަނޑައެޅިފައިނުވާ ވަޒީފާގެ އެއްބަސްވުމެއް ވަޒީފާދޭ ފަރާތަށް ބާޠިލުކުރެވޭނީ ނޯޓިސް ދޭންޖެހޭ މުއްދަތަށް ނޯޓިސް ދިނުމަށް ފަހު ނުވަތަ ނޯޓިހުގެ މުއްދަތަށް ފައިސާ ދިނުމަށް ފަހުގައެވެ. މުޙައްމަދު ފިރާޟް ވަޒީފާއިން ވަކިކުރުމުގެ ކުރިން، އެންމެ މަދވެގެނު 01 (އެކެއް) މަސްދުވަހުގެ ނޯޓިސް ދޭންޖެހޭނެ ކަމަށް ވަޒީފާއާބެހޭ ޤާނޫނު ގެ 22 ވަނަ މައްދާގެ (ހ) ގެ (2) ނަންބަރަށް ރިޢާޔަތްކޮށް އޭނާ ވަޒީފާ އަދާކޮށްފައިވާ މުއްދަތަށް ބެލުމުން ދެނެގަނެވެއެވެ.

24ނޯޓިސް ދޭ ތާރީޚަކީ ވަޒީފާއިން ވަކިވާ ތާރީޚެއް ނޫނެވެ. ވަޒީފާއިން ވަކިވާނީ ނޯޓިހުގެ މުއްދަތު ހަމަވާ ތާރީޚުންނެވެ. މަތީގައިވާ އެސް.އެމް.އެސްގައި އޮތީ 01 (އެކެއް) މަސްދުވަހުގެ ނޯޓިސް ދިން ކަމަށެވެ. ވީމާ، ވަޒީފާއިން ވަކިވާނީ، 01 ފެބުރުއަރީ 2021 ފޮނުވި އެސް.އެމް.އެސްގައި ބަޔާން ކުރާ 01 (އެކެއް) މަސް ފަހުންނެވެ.

25ހަމައެހެންމެ، ނޯޓިސް ދިނުމާއި ނޯޓިސް ދޭންޖެހޭ މުއްދަތަށް ފައިސާ ދިނުމަށްފަހު ވަޒީފާއިން ވަކި ކުރުމާއި މިއީވެސް ތަފާތު ދެކަމެވެ. ނޯޓިސް ދޭންޖެހޭ މުއްދަތަށް ފައިސާ ދީފިނަމަ، ނޯޓިހުގެ މުއްދަތެއް ޤާނޫނު ނަންބަރު 2008/2 އބމ ގުނާކަށް ނުޖެހޭނެއެވެ. މަތީގައިވާ އެސް.އެމް.އެސް ގައި 01 (އެކެއް) މަސްދުވަހުގެ ނޯޓިހަށްވާ ފައިސާ ދިނުމަށްފަހު ވަޒީފާއިން ވަކި ކުރިކަމަކަށް ބަޔާނެއް ނުކުރެއެވެ.

26މިއާޚިލާފަށް، އެ އެސް.އެމް.އެސް އިން ބާރުލިބެނީ، އެއީ ވަޒީފާއިން ވަކިކުރުމުގެ ކުރިން 01 މަސް ދުވަހުގެ ނޯޓިސް ދިނުމަށް ފޮނުވި އެސް.އެމް.އެސް އެއް ކަމަށެވެ. އެ އެސް.އެމް.އެސްގެ ޢިބާރާތުގައި، ވަޒީފާއިން ވަކި ކުރިކަމުގެ ރަސްމީ ސިޓީއެއް ފޮނުވާނެ ކަމަށް (will be sent) އެބަ އޮތެވެ. މާނައަކެ އަދި ވަޒީފާއިން ވަތްކެއް ނުކުރެއެވެ. އަދި އިތުރު ނޯޓިހެއް ލިބެންދެން (until further notice) ގޭގައި މަޑުކޮށްގެން ހުރުމަށް އަންގާފައިވެއެވެ. ވަޒީފާއިން ވަކިކުރިނަމަ، ގޭގައި މަޑުކުރަން އަންގަންޖެހާ ޤާނޫނީ ސަބަބެއް ބަޔާން ކޮށްދީފައެއް ނެތެވެ. އަދި ނޯޓިހުގެ މުއްދަތުގެ ތެރޭގައި (during your notice period) މަސައްކަތްތައް ޙަވާލު ކުރުމަށް އޮފީހަށަ އަންނަންޖެހި ދާނެކަން އެނގެން އޮވެއެވެ. ވަޒީފާއިން ވަކިކުރިނަމަ، ނޯޓިހުގެ މުއްދަތުގެ ތެރގައޭ ބަޔާން ކުރާންޖެހޭ ސަބަބެއް ނެތެވެ. މިހުރިހާ ކަމަކުން ދަލީލު ކުރަނީ މި އެސް.އެމް.އެސް އަކީ ފިރާޟް ގޭގައި މަޑުކުރުމަށް ދިން ނޯޓިހެއް ކަމެވެ. ވަޒީފާއިން ވަކި ކުރިކަން އެންގި އެންގުމެއް ނޫން ކަމެވެ. ވީމާ، 01 ފެބުރުއަރީ 2021 ގައި ފޮނުވި އެސް.އެމް.އެސް އަކީ ވަޒީފާއިން ވަކި ކުރި ނޯޓިސް ކަމަށް ބަލަންޖެހޭ ސަބަބެއް ނެތެވެ. ވަޒީފާއިން ވަކި ކުރިކަން އެންގި ސިޓީ:

27ޕްރިސިޑެންސް 5އިސްތިއުނާފު ރައްދުވާ ފަރާތުގެ ނަންބަރު:AZ/PVT/2021/041 (08 ފެބުރުއަރީ 2021) ސިޓީއަކީ މުޙައްމަދު ފިރާޟް ވަޒީފާއިން ވަކިކުރކަނި އަންގާ ފޮނުވި (Termination of Employment) ސިޓީއެވެ. މިސިޓީގެ ޢިބާރާތް ފަށާފައިވަނީ އަންނަނިވި ޢިބާރާތުންނެވެ. “Further to the SMS message sent on 01 February 2021, we are writing to confirm you that your employment with Maritime Academy of Maldives is st terminated effect immediately from 1 February 2020 onwards,” މިސިޓީގައި، އޮތް 1 ފެބުރުއަރީ 2020 އެއީ ލިޔުމުގެ ކުށެއް ކަމަށް ފެނެއެވެ. މިސިޓީ ފަށާފައިވަނީ 01 ފެބުރުއަރީ 2021 ގައި ފޮނުވި އެސް.އެމް.އެސް އަށް ޙަވާލާދީ ފައެވެ. 01 ފެބުރުއަރީ 2021 ގެ އެސް.އެމް.އެސް އަކީ 01 (އެކެއް) މަސް ދުވަހުގެ ނޯޓިސް ދިންކަމަށް ބަޔާން ކުރާ ލިޔުމެކެވެ. ނަމަވެސް 08 ފެބުރުއަރީ 2021 ގައި ފޮނުވި މިސިޓީގައި ބަޔާން ކުރަނީ، 01 ފެބުރުއަރީ 202(1) އަކީ ވަޒީފާއިން ވަކިކުރި “effective date” ކަމަށެވެ. ވަޒީފާއިން ވަކިކުރި ތާރީޚް ކަމަށް ބަޔާން މިކުރަނީ މާޒީގެ ތާރީޚެކެވެ.

28ނަމަވެސް، އެއީ އެކަން ކުރެވޭނެ ގޮތެއް ނޫނެވެ. ސަބަބަކީ، ޤާނޫނީ ގޮތުން އެންމެ މަދުވެގެން ނޯޓިސް ދޭންޖެހޭ މުއްދަތެއް އޮއްވައި، އެމުއްދަތަށް ނޯޓިސް ދިނީކަން މުވައްޒަފަށް ޤަބޫލު ކުރެވޭ ގޮތަށް ފުރަތަމަ ފޮނުވި އެސް.އެމް.އެސްގައި ބަޔާން ކުރުމަށްފަހު، ފަހުން ފޮނުވި ސިޓީއަކުން ނޯޓިހުގެ މުއްދަތަށި ފައިސާ ދޭ ގޮތަށް ބަޔާން ކޮށްފައި އޮތުމުން، 01 ފެބުރުއަރީ 2021 އިން ފެށިގެން 08 ފެބުރުއަރީ 2021 ގެ ނިޔަލަށް މުވައްޒަފު އެހުރި ޙާލު މުވައްޒަފަކަށް ސާފެއް ނުވެއެވެ. މިދެންނެވި ސިޓީގެ ފަހު ޕެރެގްރާފްގައި ބަޔާން ކުރަނީ؛ “Kindly note that you are entitled to one-month salary for your notice period (30 days). During your notice period you are not required to come to office on regular basis. However, the office will be in touch you to come to office for official handover. Please coordinate and coorperate with the relevant departments during handover and returen any company property that you may th have before 28 February 2021.” މިފަދައިންނެވެ. މިޢިބާރާތުން، ސާފުކޮށް އެގޭ އެއްކަމަކީ، 30 ދުވަހުގެ ނޯޓިހުގެ މުއްދަތަށް ފައިސާ ދޭން ނިންމިކަމެވެ.

29ޕްރިސިޑެންސް 6ވަޒީފާއިން ވަކިކުރުމުގެ ކުރިން އިލްޒާމީ ގޮތުން ދޭންޖެހޭ ނޯޓިސް ދޭނަމަ، ނޯޓިހުގެ މުއްދަތު ހަމަ ކުރަން ޖެހެއެވެ. ނޯޓިސް ނުދީ ނޯޓިހުގެ މުއްދަތަށް ފައިސާ ދޭނަމަ، ނޯޓިސް ނުދީ ފައިސާ ދެނީކަން ފުރަތަމަވެސް ބަޔާން ކުރަންޖެހެއެވެ. މިދެކަންތައް މަސްހުނި ކޮށްގެން ނުވާނެއެވެ. ފުރަތަމަ ދިނީ ނޯޓިހެއްކަން ދާ ހ ވ ގޮތަށް އޮވެފައި ފަހުން އަނެއްކާ އެ ނޯޓިސް ފެށުނު ތާރީޚުން ފެށިގެން ނޯޓިހުގެ މުއްދަތަށް ފައިސާ ދޭ ގޮތަށް ނިންމުމުން، ވަޒީފާއިން ވަކިކުރި ތާރީޚް މުވައްޒަފަކަށް ސާފެއް ނުވާނެއެވެ. މުވައްޒަފަކު ވަޒީފާއިން ވަކި ކުރިތާރީ ޚަކީ ޤާނޫނުގެ ބޭނުމަށްޓަކައި މުހިންމު ތާރީޚެއް ކަމަށްވާއިރު، އެތާރީޚް ވާނުވާގޮތް ނޭނގޭ ގޮތަށް އޮތުމަކީ ޤާނޫނުން މުވައްޒަފަށް ލިބިދޭ ޝަކުވާ ހުށަހެޅުމުގެ ޙައްޤަށް އުނިކަން އަންނާނެ ކަމެކެވެ. މިފަދަ އޮޅުންތައް ސާފުކުރާއިރު، ޤާނޫނާއި ހުށަހެޅި ވާޤިއާތައް ކިޔަންޖެހޭނީ އެއޮޅުންތަކުގެ ސަބަބުން މުވައްޒަފަށް ގެއްލުން ނުލިބޭ ގޮތަށެވެ.

30އިސްވެ ބަޔާންކުރެވުނު ކަންކަން އެހެން ހުރުމުން، އިސްތިއުނާފުކުރާ މުޙައްމަދު ފިރާޟް ވަޒީފާއިން ވަކި ކުރި ތާރީޚަކީ، އޭނާއަށް އެސް.އެމް.އެސް ފޮނުވި ތާރީޚެއް ނޫނެވެ. އޭނާ ވަޒީފާއިން ވަކިކުރި ތާރީޚަކީ، އޭނާ ވަޒީފާއިން ވަކި ކުރުމުގެ ކުރިން އެންމެ މަދުވެގެން ނޯޓިސް ދިނުމަށް ޤާނޫނުން ލާޒިމު ކުރާ މުއްދަތުގެ ބަދަލުގައި ފައިސާ ދިނުމަށް ނިންމި ތާރީޚެވެ. އެއީ، 08 ފެބުރުއަރީ 2021 ގެ ތާރީޚެވެ. ވީމާ، ވަޒީފާއާބެހޭ ޓްރައިބިއުނަލްގެ ނަންބަރު: VTR/IJ/2021/27-200 "އިޖރާއީގޮތުނު ނިންމި ގޮތް" އަށް ބަދަލު ގެންނަންޖެހެއެވެ. އިސްފަނޑިޔާރު ޙުސައިން ޝަހީދުގެ ރައުޔު؛

31ފަނޑިޔާރު މުޙައްމަދު ނިޔާޒްގެ ރައުޔަށް އަހުރެން ތާޢީދު ކުރަމެވެ.

32ފަނޑިޔާރު މުޙައްމަދު ނިޔާޒްގެ ރައުޔަށް އަހުރެން ތާޢީދު ކުރަމެވެ.

33މި ޤަޟިއްޔާގައި ދިވެހިރާއްޖޭގެ ހައިކޯޓުން ޙުކުމް ކުރުމުން، ދިވެހިރާއްޖޭގެ ސުޕްރީމް ކޯޓުގައި މި ޤަޟިއްޔާ އިސްތިއުނާފުކުރުމަށް ހުށަހެޅުމުގެ ޙައްޤު މައްސަލައިގެ ޚަސްމުންނަށް ލިބިގެންވެއެވެ. އެގޮތުން އިސްތިއުނާފުކުރުމަށް ހުށަހެޅުމުގެ މުއްދަތަކީ ދިވެހިރާއްޖޭގެ ހައިކޯޓުން މި ޤަޟިއްޔާގައި ޙުކުމް ކުރާ ތާރީޚުން ފެށިގެން 30 (ތިރީސް) ދުވަހެވެ. އަދި އެ މުއްދަތުގެ ތެރޭގައި ޝަރީޢަތްނިމުނުގޮތުގެ ރިޕޯޓު ޚަސްމުންނަށް ޙަވާލުކޮށްފައިނުވާނަމަ، އިސްތިއުނާފުކުރުމުގެ މުއްދަތު ގުނަން ފަށާނެ ތާރީޚަކީ ޝަރީޢަތްނިމުނުގޮތުގެ ރިޕޯޓު ޚަސްމުންނާ ޙަވާލުކުރާ ތާރީޚެވެ. އެހެންނަމަވެސް ޝަރީޢަތް ނިމުނުގޮތުގެ ޚުލާސާ އަށް ބިނާކޮށްވެސް އިސްތިއުނާފަށް ހުށަހެޅިދާނެއެވެ. . ޤާނޫނު ނަންބަރު 2021/32 (މަދަނީ އިޖުރާއަތުގެ ޤާނޫނު) ގެ 284 ވަނަ މާއްދާގެ (ހ) . ޤާނޫނު ނަންބަރު 2021/32 (މަދަނީ އިޖުރާއަތުގެ ޤާނޫނު) ގެ 284 ވަނަ މާއްދާގެ (ށ) . ޤާނޫނު ނަންބަރު 2021/32 (މަދަނީ އިޖުރާއަތުގެ ޤާނޫނު) ގެ 284 ވަނަ މާއްދާގެ (ނ) :;: ,:::: u C') 'T CII\ '''\ "'.\ al "°' ~i:. "\ "~ "\"°' "~ ,,, "\ II\ "\ "°' II\ \ "\ \8 "\ )( "'\ ""I II\ \~ II) "8 ~, ""I II ''\ II\ ,, II\ \ "\ "'IJ ll 8 ----- ~ ..... ll"'I > N 0 ~ N f--. :: °' .... \J~ &J "'I '\ \ I ,,,., \\~ ~, ,'1 ~°' ''II \ 11,... "I\ II\)(,, "I\ \\ ;~ ...

0) \~ 'h ~i I\ "' I\ , I\\ \, ''\ ''\ "~ 11, " ·\ "~ ,,,, ":\ II\ ,,~' ", ",, II) \,, "\ 11, ",, ~~ "I\ \ ,,--.-, ",, ..... al '-"' -L \i 'i II) "II ", ~, ,l "\ \ ll&J ~~ '\ "\ \\ "" ,l ~~ \ '!\ '\ \ I\\ ~ °' \Ji :\\ &J ~i\ ~~\ ", "\ "\ ~-1 ll'i 'II ''\ "'IJII\ ~, \,, "\ II\ ,,, 11, 11\ ,l \II ""I ~ 11, \ "&J "8 ,,., \ '\i !\ !\ -L ~, '\ 'IJ '\ \\ '''\ ""'I ",, II\ "'\ II\ "°' II'\ h :\i .. 11, ,=-, CII\ l, I\\ ,,!-. \j al ,l \\ 'i \J \i ~~\ ., !~ ~:"\ -~ .,~ "" o, ' \J '" ' \\ -~ -~' •l o~' (") N (") 'D lf) (") ~ (") .> :' \J ... ' ' " 'I .:: @) .c ..c 0 ~ d2 'l :.c: "'51) 5 .'I 1:0 > 0 ~ > (J t: f\ c,: ~ 0 > \ . ::, tll) (J