ކެޕިޓަލް ޓްރެވަލް ޓުއަރސް ޕްރައިވެޓް ލިމިޓެޑް ވ. މުޙްސިނާ އާދަމްފުޅު

ޓްރައިބިއުނަލުން ބަދަލު ނުދީ، ފަހު އަހަރުގެ ބޭނުންނުކުރާ 30 ދުވަހުގެ ޗުއްޓީއަށް 17,500 ރުފިޔާ ދިނުމަށް ނިންމިއެވެ.

ކުންފުނީގެ މުވައްޒަފަކު މެނޭޖްމަންޓާ ޚިޔާލު ތަފާތުވުމުން ނޯޓިސް ނުދީ އިސްތިޢުފާދީ، ކުންފުނީގެ މޯބައިލް ފޯނާއި ސިމްކާޑާއެކު ދިޔައެވެ. އޭނާ ބަދަލާއި ނުލިބިވާ އަހަރީ ޗުއްޓީގެ ފައިސާއަށް ޓްރައިބިއުނަލަށް ދިޔައެވެ.

ކުންފުނި ބުނީ ފޯނާއި ސިމްކާޑުގެ އަގާއި ނޯޓިސް ނުދީ ދިއުމުގެ ގެއްލުމާމެދު ޓްރައިބިއުނަލުން ގޮތެއް ނުނިންމާ ފައިސާ ދިނީ އިންޞާފާ ޚިލާފަށް ކަމަށެވެ. މުވައްޒަފު ބުނީ ފޯނަކީ ހަދިޔާއެއް ކަމަށާއި ޗުއްޓީގެ ފައިސާ ދިނުމުން ފޯނު ދޭނެކަމަށެވެ.

ވަޒީފާދޭ ފަރާތުން ޓްރައިބިއުނަލުގައި ހުށަހެޅި (މުވައްޒަފު ގެންދިޔަ ފޯނާއި ސިމްކާޑުގެ އަގު އުނިކުރުމާއި ނޯޓިސް ނުދީ ވަޒީފާ ދޫކުރުމުގެ ގެއްލުމުގެ ބަދަލު) އެދުންތަކާމެދު ޓްރައިބިއުނަލުން ގޮތެއް ނުނިންމާ ހުރުމުން، އެ ކަންކަމާމެދު ހައިކޯޓުން އިސްތިއުނާފީ މަރުޙަލާގައި ގޮތެއް ކަނޑައެޅޭނެތޯ.

އަލުން ބެލުމަށް ފޮނުވި

އެ އެދުންތައް ޓްރައިބިއުނަލުގައި ހުށަހެޅި ނަމަވެސް ޓްރައިބިއުނަލުން ގޮތެއް ނުނިންމާތީ، އެއީ ޓްރައިބިއުނަލުން ނިންމަންޖެހޭ ކަންކަމެވެ؛ އިސްތިއުނާފީ މަރުޙަލާގައި ހައިކޯޓުން ނުނިންމޭނެއެވެ.