އިބްރާހީމް އިޝާން ވ. އެމްއެޗް އެޗް އެންޓަރޕްރައިސަސް އެލްއެލްސީ

ސިވިލް ކޯޓުން، ކަސްޓަމްސްއިން ހޯދި ސިޓީއެއްވެސް ބިނާކޮށް، އެ ފައިސާ 15 ދުވަހުގެ ތެރޭގައި ދައްކަން ޙުކުމްކުރިއެވެ.

ދުބާއީގެ ކުންފުންޏަކުން، އިސްތިއުނާފުކުރި ފަރާތުގެ ނަމުގައި ރަޖިސްޓްރީކޮށްފައިވާ ސޯލް ޕްރޮޕްރައިޓަރޝިޕަކަށް ސަޕްލައިކުރި މުދަލަށް ނުދައްކާ ހުރި US$46,153.35 ހޯދުމަށް ސިވިލް ކޯޓުގައި ދަޢުވާކުރިއެވެ.

އިސްތިއުނާފުކުރި ފަރާތް ބުނީ ޙުކުމް ބިނާކުރި ކަސްޓަމްސްގެ ސިޓީ ލިބުނީ ޙުކުމްކުރި ދުވަހު ކަމަށާއި އޭގެ މައްޗަށް ވާހަކަދެއްކުމުގެ ފުރުޞަތު ނުލިބުނުކަމަށާއި، ސްޓޭމްޕާއި އީމެއިލްތަކާބެހޭ ނުކުތާތަކަށް ރިޢާޔަތްނުކުރިކަމަށެވެ.

ޙުކުމްކުރި ދުވަހު ކޯޓަށް ލިބުނު، މޯލްޑިވްސް ކަސްޓަމްސް ސަރވިސްއިން ފޮނުވި ސިޓީއެއްގެ މައްޗަށް ބުރަވެ، އެ ސިޓީއާ މެދު ފަރާތްތަކަށް ވާހަކަދައްކައި ޠަޢުނުކުރުމުގެ ފުރުޞަތު ނުދީ ކުރި ޙުކުމް ޤާއިމުވާނެތޯ.

ދަށުކޯޓުގެ ޙުކުމް ބާޠިލު، އަލުން ބެލުމަށް ސިވިލް ކޯޓަށް ފޮނުވި

ޙުކުމްކުރި ދުވަހު ލިބުނު ކަސްޓަމްސްގެ ސިޓީއަށް ސިވިލް ކޯޓު ބުރަވެފައިވާއިރު، އޭގެ މައްޗަށް ދެކޭގޮތް ބަޔާންކުރުމާއި ޠަޢުނުކުރުމުގެ ފުރުޞަތު ފަރާތްތަކަށް ދީފައި ނުވާތީއެވެ.