ފާޠިމަތު ނާޘިމާ ވ. ޢަބްދުއްރަޙީމް މުޙައްމަދު

ފެމިލީ ކޯޓުން ނިންމީ ބައްޕަ ދިރިއުޅުމަށް ތަނެއްގެ ގުރައުންޑް ފުލޯ ހުށަހަޅައި މަހަކު ފައިސާ ދޭން ހުށަހަޅާފައިވާތީ ޙުކުމް ތަންފީޒުކުރުމަށް މަސައްކަތްކޮށްފައިވާކަން އެނގޭތީ އިތުރަށް ތަންފީޒުކުރުމަށް އަންގާނެ ތަނެއް ނެތް ކަމަށެވެ.

އެހެން ދަރިންނެކޭ އެއްހަމައަކުން ދަރިއަކަށް ބޯހިޔާވަހިކަން ފޯރުކޮށްދިނުމަށް ބައްޕައަށް އަންގާ ފެމިލީ ކޯޓުން (C/2020-1474/Fm) ޙުކުމްކުރުމަށްފަހު، އެ ޙުކުމް ތަންފީޒުކުރުމަށް އެދި ދަރިފުޅު ތަންފީޒީ މައްސަލައެއް ހުށަހެޅިއެވެ.

އިސްތިއުނާފުކުރި ފަރާތުން ބުނީ ބައްޕަގެ އާމްދަނީ/ޚަރަދުގެ ހިސާބު ހުށަހަޅާފައި ނެތި ބަޔާންތަކަށް ބުރަދަން ދީގެން ނިންމި ކަމަށާއި، ހުށަހެޅި ފައިސާއަކީ ބޯހިޔާވަހިކަން ހޯދޭ މިންވަރެއް ނޫން ކަމަށެވެ. ބައްޕަގެ ފަރާތުން ބުނީ ޤާނޫނީ ބަހުސެއް ސާފުނުވާ ކަމަށާއި ތަންތަނާއި ފައިސާ ހުށަހެޅި ނަމަވެސް ޤަބޫލުނުކުރި ކަމަށެވެ.

ދަރިއަކަށް ބޯހިޔާވަހިކަން ފޯރުކޮށްދިނުމަށް ބައްޕައަށް އަންގާ ކުރި ޙުކުމް ތަންފީޒުކުރުމަށް ބައްޕަ މަސައްކަތްކޮށްފައިވާތީ އިތުރަށް ތަންފީޒުކުރުމަށް އަންގާނެ ތަނެއް ނެތްކަމަށް ފެމިލީ ކޯޓުން ނިންމި ނިންމުން، ހެކިތަކަށް ރިޢާޔަތްނުކުރުމުގެ ސަބަބުން ޤާނޫނާއި ޤާނޫނުއަސާސީއާ ޚިލާފުތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޤާނޫނީ ބަހުސެއް ސާފުކޮށް ބަޔާންކޮށްނުދޭ ކަމަށާއި، 2010/SC-A/02 ގެ ނުކުތާ ދަށުކޯޓުގައި ނުނަގާ ކަމަށާއި، މައުޟޫޢީ ޙުކުމުގައި ވަކި ތަނެއް ނުވަތަ ވަކި އަދަދެއް ކަނޑައަޅާފައިނުވާއިރު ބައްޕަ މަސައްކަތްކޮށްފައިވާކަން ދަރިފުޅުގެ އިޢުތިރާފުން އެނގޭ ކަމަށާއި، ބައްޕަ ދިރިހުއްޓާ ބައްޕަގެ މުދަލަކީ ދަރިންގެ ޙައްޤެއް ނޫން ކަމަށް ބަލައި ޙުކުމް ދަމަހައްޓައިފިއެވެ.