ޙަސަންފުޅު ވ. ނޭޒާ އެންޓަރޕްރައިސަސް ޕވޓ ލޓޑ

ސިވިލް ކޯޓުން 210,000 ރުފިޔާ 3 މަސްދުވަހުގެ ތެރޭގައި ދައްކަން ނޭޒާއަށް އަންގައި، 2006 ގެ ދެފަރާތުގެ އެއްބަސްވުމަކީ މިހާރު ޤާނޫނީ ޙުއްޖިއްޔަތު ލިބިފައިވާ އެއްބަސްވުމެއް ނޫންކަމަށް ޙުކުމްކުރިއެވެ.

ސަރުކާރުން އިސްތިއުނާފުކުރި ފަރާތަށް ކުއްޔަށްދިން މ.ތުވަރު ގައި ކޮށްފައިވާ އިންވެސްޓްމަންޓް ވިއްކުމަށް 2006 ގައި ނޭޒާ އެންޓަރޕްރައިސަސްއާ އެއްބަސްވުމެއް ވެ، ދެން ސަރުކާރާއި ނޭޒާއާ ދެމެދު ރަށް ކުއްޔަށްދިނުމުގެ އެއްބަސްވުމެއް ވިއެވެ. ކުލީގެ ގޮތުގައި ލިބެންޖެހޭ 210,000 ރުފިޔާ ނުލިބުމުން އެއްބަސްވުން އުވާލައި ރަށް އަތުލުމަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ކޮންޓްރެކްޓާބެހޭ ޤާނޫނުގެ 19، 20 އަދި 21 ވަނަ މާއްދާއަށް ރިޢާޔަތްކުރެވިފައި ނުވާކަމަށެވެ.

ފަޅުރަށެއްގެ ކުލީގެ ޙައްޤުތަކާއި އިންވެސްޓްމަންޓް ވިއްކުމަށް ދެ ފަރާތާ ދެމެދު ވެފައިވާ އެއްބަސްވުމަކީ، ދައުލަތާއި ގަތް ފަރާތާ ދެމެދު އަލުން ކުލީގެ އެއްބަސްވުމެއް ހެދުމަށްފަހު ޤާނޫނީ ޙުއްޖިއްޔަތު ނެތް އެއްބަސްވުމެއްކަމަށް ސިވިލް ކޯޓުން ކަނޑައެޅުމުގައި ކޮންޓްރެކްޓާބެހޭ ޤާނޫނުގެ 19، 20 އަދި 21 ވަނަ މާއްދާއަށް ރިޢާޔަތްކުރެވިފައިވޭތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ޙައްޤުތައް ނޭޒާއަށް ބަދަލުކޮށްދިނުމަށް އިސްތިއުނާފުކުރި ފަރާތުން ސަރުކާރަށް ސިޓީ ފޮނުވުމަކީ ލާޒިމުވާކަމަކަށް ދުލެއްދިނުމެއްކަމާއި، އިސްތިއުނާފު ނުކުރި C/2016-2724/Cv ގެ ޙުކުމަކީ ނިހާއީ ޙުކުމެއްކަމާއި، ޤާނޫނު ނަންބަރު 4/91 (ކޮންޓްރެކްޓާބެހޭ ޤާނޫނު) ގެ 19 ވަނަ މާއްދާއަށް ރިޢާޔަތް ނުކުރެވުނު ގޮތެއް ބަޔާންކޮށްދީފައި ނުވާކަމަށް ބަލައި ދަށުކޯޓުގެ ޙުކުމް ދެމެހެއްޓިއެވެ.