ފާޠިމަތު ފަރީދު ވ. އއ. ތޮއްޑޫ ކައުންސިލް

ދަޢުވާ ބިނާކުރެވިފައިވާ ސަބަބު ނެތިގޮސްފައިވާތީ ދަޢުވާ ކުރިއަށް ގެންދާނެ ތަނެއް ނެތްކަމަށް ތޮއްޑޫ މެޖިސްޓްރޭޓް ކޯޓުން ނިންމިއެވެ.

ވަޤުފު ބިންތައް ކައުންސިލާ ޙަވާލުކުރުމަށް ސަރުކާރުން ނިންމުމުން، ބިންތައް ބޭނުންކުރާ ފަރާތްތަކުން އެ ބިންތައް ހުސްކުރުމަށް ތޮއްޑޫ ކައުންސިލުން އިޢުލާނުކުރިއެވެ. އެ އިޢުލާނު ބާޠިލުކުރުމަށް އެދި އިސްތިއުނާފުކުރި ފަރާތުން ދަޢުވާކުރުމަށްފަހު، ކައުންސިލުގެ ކުއްލި ޖަލްސާއަކުން އިޢުލާނު ބާޠިލުކުރިއެވެ.

އިސްތިއުނާފުކުރި ފަރާތުން ބުނީ ފަނޑިޔާރުންގެ ޤާނޫނުގެ 5(ށ) އާ ޚިލާފަށް ޝަފަހީ ހެކިތަކަށް ރިޢާޔަތްނުކޮށް މައްސަލަ ނިންމި ކަމަށާއި، ޤާނޫނުއަސާސީގެ 42 ވަނަ މާއްދާގެ ޢަދުލުވެރި ޝަރީޢަތުގެ ޙައްޤު ހަނިކުރި ކަމަށެވެ.

ވަޤުފު ބިންތައް ހުސްކުރުމަށް ކައުންސިލުން ކުރި އިޢުލާނު ބާޠިލުކުރުމަށް ހުށަހެޅި ދަޢުވާ، މައްސަލަ ކޯޓުގައި އޮއްވާ ކައުންސިލުން އެ އިޢުލާނު ބާޠިލުކުރުމުން، ދަޢުވާ ކުރިއަށް ގެންދާނެ ތަނެއް ނެތްކަމަށް ދަށުކޯޓުން ނިންމުމަކީ ހެކިތަކަށް ރިޢާޔަތްނުކުރުމެއް ނުވަތަ ޢަދުލުވެރި ޝަރީޢަތުގެ ޙައްޤު ހަނިކުރުމެއްތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

އިޢުލާނު ކުރި ފަރާތުން ވެސް އެ އިޢުލާނު ބާޠިލުކޮށްފައިވާތީ، އެ އިޢުލާނު ބާޠިލުކަމަށް ކަނޑައަޅަންޖެހޭ ސަބަބެއް ނުވަތަ ހެކިތަކަށް ރިޢާޔަތްކުރަންޖެހޭ ޙާލަތެއް ނެތެވެ. ޢަދުލުވެރި ޝަރީޢަތުގެ ޙައްޤު ހަނިވިކަމަށް ހަރުދަނާ ސަބަބެއް ބަޔާންކޮށްދީފައި ނުވެއެވެ.