މުޙައްމަދު ހާނިމް ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ޝަރީޢަތުގެ ކުރިން ހުށަހެޅި ހުށަހެޅުންތައް ބަލައި، ދަޢުވާއަކީ މައުޟޫޢީ ގޮތުން ކުރިއަށް ގެންދެވޭނެ ދަޢުވާއެއް ކަމަށް ނިންމިއެވެ.

2014 ފެބުރުވަރީ 5 ގައި މަޤާމުގެ ނުފޫޒު ބޭނުންކޮށް، ޞިއްޙީ ބޭނުމަކަށް ޤައިދީއަކު ރާއްޖެއިން ބޭރަށް ފުރުވާލުމުގެ އުޞޫލާ ޚިލާފަށް ޤައިދީއަކު ފުރުވާލި ކަމަށް ބުނެ، ކޮރަޕްޝަން ހުއްޓުވުމާއި މަނާކުރުމުގެ ޤާނޫނުގެ 12 ވަނަ މާއްދާގެ ދަށުން އިސްތިއުނާފުކުރި ފަރާތާއި އެހެން ފަރާތެއްގެ މައްޗަށް ދަޢުވާކުރެވުނެވެ.

އިސްތިއުނާފުކުރި ފަރާތުން ބުނީ ޤާނޫނުލްޢުޤޫބާތުގެ 18(ރ) ގައިވާ ޤާނޫނުތަކުގެ ތެރޭގައި ކޮރަޕްޝަން ޤާނޫނު ނުހިމެނޭތީ 18(ށ) އާއި 10(ރ) އާ ޚިލާފުކަމަށާއި، ލުއި ލިބޭނެކަމަށް އަނެއް ފަރާތުގެ ނަން އެކަނި ހިމެނުމަކީ ޤާނޫނުއަސާސީގެ 20 ވަނަ މާއްދާއާ ޚިލާފު ތަފާތުކުރުމެއް ކަމަށެވެ. ދައުލަތުން ބުނީ ޙާދިޘާ ހިނގިއިރު ޤާނޫނުލްޢުޤޫބާތު ވުޖޫދުގައި ނެތްކަމަށާއި، ނަން ނުހިމެނުނީ ލިޔުމުގެ ކުށަކުން ކަމަށާއި ލުއި ދެފަރާތަށްވެސް ލިބޭނެ ކަމަށެވެ.

ޤާނޫނުލްޢުޤޫބާތަށް ޢަމަލުކުރަން ފެށުމުގެ ކުރިން ހިނގި ހާދިޘާއަކަށް ކޮރަޕްޝަން ހުއްޓުވުމާއި މަނާކުރުމުގެ ޤާނޫނުގެ ދަށުން ކުރެވޭ ދަޢުވާއަކީ ޤާނޫނުލްޢުޤޫބާތުގެ 10(ރ) އާއި 18 ވަނަ މާއްދާގެ ސަބަބުން ކުރިއަށް ނުގެންދެވޭނެ ދަޢުވާއެއްތޯ، އަދި ޝަރީޢަތުގެ ކުރިން ހުށަހެޅި ހުށަހެޅުމާ މެދު ނިންމި ނިންމުމުގައި އެއް ތުހުމަތުކުރެވޭ ފަރާތަކަށް އަދަބުގައި ލުއި ލިބޭނެކަމަށް ބަޔާންކޮށް އަނެއް ފަރާތުގެ ނަން ނުހިމެނުމަކީ ތަފާތުކުރުމެއްތޯ.

އިސްތިއުނާފު ބާޠިލް، ދަށުކޯޓުގެ ނިންމުން ޤާއިމް

ޙާދިޘާ ހިނގާފައިވަނީ ޤާނޫނުލްޢުޤޫބާތަށް ޢަމަލުކުރަން ފެށުމުގެ ކުރިން ކަމުން 10(ރ) އާއި 18(ރ) އަކީ ކޮރަޕްޝަން ޤާނޫނުގެ ދަށުން ދަޢުވާކުރުމަށް ހުރަހެއް ނޫންކަމަށާއި، ނަން ނުހިމެނުނަސް 10(ރ) ގެ ލުއިތައް އިސްތިއުނާފުކުރި ފަރާތަށްވެސް ލިބޭތީ އެ އުނިކަމަކީ ޙައްޤަށް އަސަރުކުރާ އުނިކަމެއް ނޫންކަމަށެވެ.