އެސްޓޭޓް އިންޓަރނޭޝަނަލް ޕވޓ ލޓޑ ވ. ފާޠިމަތު ފަތުޙިއްޔާ ޙަސަން

ސިވިލް ކޯޓުން ނިންމީ އެއްބަސްވުން ބާޠިލުކުރީ މަޤްޞަދު ޙާޞިލުވުމުގެ ކުރިން ކަމަށާއި 5.1 ވަނަ މާއްދާގެ ދަށުން ނޫންކަމަށް ބުރަވެވެން ނެތުމުން ބާޠިލުކުރުމުގެ ކުރިން ލިބެންޖެހޭ ފައިސާ ނަގައި ނުދެވޭނެކަމަށެވެ.

ބިމެއްގައި 10 ބުރީގެ ޢިމާރާތެއް ކުރުމަށް ފައިސާ އިންތިޒާމުކޮށް، ބަދަލުގައި 9 އަދި 10 ވަނަ ފަންގިފިލާ 18 އަހަރަށް ކުލި ނުނަގާ ކޮންޓްރެކްޓަރަށް ދިނުމަށް 2008 ގައި ވެފައިވާ އެއްބަސްވުމެއް، ބިމުގެ ވެރިފަރާތުގެ އެދުމުން ހައިކޯޓުގެ 2012/HC-A/243 ޤަޟިއްޔާއިން ބާޠިލުކޮށް ކޮންޓްރެކްޓަރު ހޭދަކުރި 3,379,127 ރުފިޔާ ދިނުމަށް ކަނޑައަޅާފައިވެއެވެ. ދެން ކޮންޓްރެކްޓަރު އެއްބަސްވުމުގެ ދަށުން ލިބެންޖެހޭ ބަދަލު ހޯދުމަށް ވެރިފަރާތުގެ ވާރިސުންގެ މައްޗަށް ދަޢުވާކުރިއެވެ.

އިސްތިއުނާފުކުރި ފަރާތުން ބުނީ ދަށުކޯޓުގެ ނިންމުމަކީ 2012/HC-A/243 ޤަޟިއްޔާއާއި އެއްބަސްވުމާއި ކޮންޓްރެކްޓާބެހޭ ޤާނޫނުގެ 20 (ހ) އާއި ފަނޑިޔާރުންގެ ޤާނޫނުގެ 5 ވަނަ މާއްދާއާ ޚިލާފު ނިންމުމެއް ކަމަށާއި، ޚަރަދު އަނބުރާ ލިބުމަކީ އެދިފައިވާ ބަދަލު ލިބުން ނޫންކަމަށެވެ.

ބިމުގެ ވެރިފަރާތުގެ އެދުމަށް ކޯޓުން އެއްބަސްވުން ބާޠިލުކޮށް، ކުރި ޚަރަދުގެ ބަދަލު ދިނުމަށް ކަނޑައެޅިފައިވާ ޙާލަތެއްގައި، ޢިމާރާތް ނިމުމުގެ ކުރިން އެއްބަސްވުން ނިމުމުން، އެއްބަސްވުމުގެ 4.1 އާއި 5.1 ވަނަ މާއްދާތަކުގެ ދަށުން ފަންގިފިލާތައް ނުވަތަ އޭގެ ބަދަލުގައި ގެއްލުމުގެ ބަދަލު ކޮންޓްރެކްޓަރަށް ލިބިދެވޭނެތޯ.

އިސްތިއުނާފު ބާޠިލް، ދަށުކޯޓުގެ ޙުކުމް ޤާއިމް

ފަންގިފިލާ ލިބުމުގެ ޝަރުޠަކީ ޢިމާރާތް ނިމުން ކަމަށާއި ޢިމާރާތް ނުނިމި އެއްބަސްވުން ނިމުމަކަށް އައީތީ 20 (ރ) ގެ ޝަރުޠު ފުރިހަމަނުވާތީ، އަދި ހައިކޯޓުގެ ކުރީގެ ޙުކުމާ އެއްގޮތަށް ދަށުކޯޓުން ނިންމީ ރަނގަޅަށްކަމަށް ކަނޑައެޅިއެވެ.