އެެޓަރނީ ޖެނެރަލްގެ އޮފީސް ވ. މުުޙައްމަދު ޙަމީދު

ސިވިލް ކޯޓުން ސުޕްރީމް ކޯޓުގެ 2012/SC-C/35 ތަޠްބީޤުކޮށް، ޖިނާއީ ތުހުމަތެއްގެ ޢަމަލާ ގުޅުވައިގެން ޖިނާއީ ނިޒާމުގެ ބޭރުން ވަކިކުރުމަކީ ޑަބަލް ޖެޕަޑީ ކަމަށް ބުނެ ވަކިކުރުން ބާޠިލުކޮށް ވަޒީފާއާއި މުސާރަ އަނބުރާ ދިނުމަށް ޙުކުމްކުރިއެވެ.

ޗީފް ސުޕްރިންޓެންޑެންޓް އޮފް ޕޮލިހެއް، ސިޔާސީ ގޮތުން ވަކި ބަޔަކަށް މަންފާ ހޯދައިދިނުމަށް މަޤާމުން ލިބުނު މަޢުލޫމާތު ނަހަމަގޮތުގައި ބޭނުންކޮށް "ފުލުހުންނާއި ސިފައިން ހިންގި ބަޣާވާތް" ނަމުގައި ޙަޤީޤަތް އޮޅޭ ރިޕޯޓެއް ތައްޔާރުކުރުމުގައި ބައިވެރިވިކަމަށް ފުލުހުންގެ ތަޙްޤީޤަށް ސާބިތުވުމުން، ޑިސިޕްލިނަރީ ޤަވާޢިދުގެ 8 ވަނަ މާއްދާގެ (ކ) ގެ ދަށުން ވަޒީފާއިން ވަކިކުރިއެވެ.

ދައުލަތުން ބުނީ ދަށުކޯޓުން އެދިފައިނުވާ ކަންކަމަށް ޙުކުމްކުރިކަމަށާއި، 2011/HC-A/124 ގެ އިސްތިސްނާއަށް ރިޢާޔަތްނުކުރިކަމަށާއި، 2012/SC-C/35 އާ މި މައްސަލައާ ތަފާތުކަމަށާއި، އިދާރީ ފިޔަވަޅަކީ ޑަބަލް ޖެޕަޑީއެއް ނޫންކަމަށާއި، ޖުޑީޝަލް ރިވިއުއެއްގެ ގޮތުގައި ނުބެލިކަމަށެވެ.

ފުލުހުންގެ ޑިސިޕްލިނަރީ ބޯޑުން ފުލުހެއް ވަޒީފާއިން ވަކިކުރުމަށް ސުޕްރީމް ކޯޓުގެ 2012/SC-C/35 ޤަޟިއްޔާގެ (ޑަބަލް ޖެޕަޑީ) އުޞޫލުތައް ތަޠްބީޤުވޭތޯއާއި، ޖިނާއީ ތުހުމަތަކާ ގުޅޭ ޢަމަލެއްގެ ސަބަބުން ވަޒީފާއިން ވަކިކުރުމުގައި ބަލަންޖެހޭ ސާބިތުކުރުމުގެ މިންގަނޑަކީ ކޮބައިތޯ.

ދަށުކޯޓުގެ ޙުކުމް ބާޠިލު

2012/SC-C/35 އަކީ ވަޒީފާއާބެހޭ ނުވަތަ ފުލުހުންގެ ޤާނޫނަކަށް ރިޢާޔަތްނުކުރެވި ނިންމި ދުސްތޫރީ މައްސަލައެއްކަމުން މި މައްސަލައަށް ތަޠްބީޤު ނުވާކަމާއި، ތުހުމަތަކީ ވަކިކުރެވިދާނެ ކުށެއްކަމާއި، ޑިސިޕްލިނަރީ ބޯޑުން ދިފާޢުވުމުގެ ފުރުޞަތު ދިން ނަމަވެސް އެ ފުރުޞަތު ދޫކޮށްލި ކަމާއި، މަދަނީ މިންގަނޑުން (Balance of Probabilities) ތުހުމަތު ސާބިތުވާތީ ވަކިކުރުމަކީ ޝަރުޢީ އަދި ޤާނޫނީ ހަމަތަކާ އެއްގޮތް ކަމެއްކަމުން، ދަށުކޯޓުގެ ޙުކުމް ބާޠިލުކުރިއެވެ.