އެޓަރނީ ޖެނެރަލްގެ އޮފީސް ވ. އަޙްމަދު ހައިޝަމް

ސުޕްރީމް ކޯޓުގެ 2012/SC-C/35 ޤަޟިއްޔާގެ ޑަބަލް ޖެޕަޑީގެ އުޞޫލުގެ ދަށުން ޖިނާއީ ޢަދުލުގެ ނިޒާމުގެ ބޭރުން ވަޒީފާއިން ވަކިކުރުން ބާޠިލުކަމަށް ކަނޑައަޅައި، ވަޒީފާ އަނބުރާ ދިނުމަށާއި މުސާރައާއި ޢިނާޔަތްތައް ދިނުމަށް ސިވިލް ކޯޓުން ޙުކުމްކުރިއެވެ.

ފުލުހުންގެ ކޮންސްޓަބަލްއެއްގެ ވަޒީފާގައި ހުރި އިސްތިއުނާފު ރައްދުވި ފަރާތް، ޖިނާއީ މައްސަލައެއްގައި ހެކިބަސްދިނުމަށް ހަމަޖެހިފައިވާ ދެ ފުލުހަކަށް ފޯނުން ގުޅާ ހެކިބަސް ބަދަލުކުރުމަށް އެދުނުކަމަށް ޑިސިޕްލިނަރީ ބޯޑުން ކަނޑައަޅައި 2009 ގައި ވަޒީފާއިން ވަކިކުރިއެވެ. ޤަވާޢިދާ ޚިލާފަށް ވަކިކުރީކަމަށް ބުނެ ވަޒީފާއާއި މުސާރަ ހޯދުމަށް އެދި ދަޢުވާކުރިއެވެ.

ސިވިލް ކޯޓުން 2012/SC-C/35 ތަޠްބީޤުކުރީ ރަނގަޅަށް ނޫންކަމަށާއި، 2011/HC-A/124 ގެ ratio decidendi އަށާއި balance of probabilities ގެ މިންގަނޑަށް ރިޢާޔަތްކޮށްފައި ނުވާކަމަށާއި، 2011/HC-A/288 އާއި equity ގެ ހަމަތަކަށް ރިޢާޔަތްނުކޮށް ހުރިހާ ފަރުވާއެއް ދީފައިވާކަމަށް ދައުލަތުން ބުނެފައިވެއެވެ.

ޖިނާއީ ތުހުމަތާ ގުޅޭ ޢަމަލެއްގެ ސަބަބުން ފުލުހުންގެ ޑިސިޕްލިނަރީ ބޯޑުން ފުލުހެއް ވަޒީފާއިން ވަކިކުރުމަކީ ސުޕްރީމް ކޯޓުގެ 2012/SC-C/35 ޤަޟިއްޔާގައިވާ ޑަބަލް ޖެޕަޑީގެ އުޞޫލާ ޚިލާފު ކަމެއްތޯ، އަދި އެފަދަ ވަކިކުރުމެއްގައި ސާބިތުކުރުމުގެ މިންގަނޑަކީ ކޮބައިތޯ.

ދަށުކޯޓުގެ ޙުކުމް ބާޠިލު؛ ވަޒީފާއިން ވަކިކުރުން ޤާއިމް

2012/SC-C/35 އަކީ ވަޒީފާއާބެހޭ މައްސަލައެއް ނޫން ދުސްތޫރީ މައްސަލައެއް ކަމުން މި މައްސަލައަށް ތަޠްބީޤު ނުކުރެވޭނެއެވެ. ވަޒީފާއިން ވަކިކުރުމުގައި ބަލަންޖެހޭނީ balance of probabilities ގެ މިންގަނޑު ކަމުން، ހުށަހެޅުނު ހެކިތަކާއި، ޑިސިޕްލިނަރީ ބޯޑަށް ޙާޟިރުވުމާއި ދިފާޢު ހުށަހެޅުމުގެ ފުރުޞަތު ދޫކޮށްލުމަށް ބަލާއިރު، ވަކިކުރުން ޤާނޫނާ ޚިލާފު ނޫނެވެ.