ދައުލަތް (އެޓަނީ ޖެނެރަލްގެ އޮފީސް) ވ. އަޙްމަދު އަލްޠާފް

ސިވިލް ކޯޓުން، 2011/HC-A/124 އާ ޙަވާލާދީ 2012/SC-C/35 ގެ އުޞޫލުތައް ތަޠްބީޤުކޮށް، ޖިނާއީ ތުހުމަތެއްގެ ޢަމަލާ ގުޅުވައިގެން ޖިނާއީ ޢަދުލުގެ ނިޒާމުގެ ބޭރުން ވަޒީފާއިން ވަކިކުރުމަކީ ޑަބަލް ޖެޕަޑީގެ މަފްހޫމަށް ވަންނަ ކަމެއްކަމަށް ބުނެ ވަކިކުރުން ބާޠިލުކޮށް، ވަޒީފާ އަނބުރާ ދިނުމަށާއި މުސާރަ ދިނުމަށް ޙުކުމްކުރިއެވެ.

މޯލްޑިވްސް ނޭޝަނަލް ޑިފެންސް ފޯސްގެ ކޮމިޝަން އޮފިސަރަކު، ކޯސްޓްގާޑުގެ ޑައިވިންގ ޔުނިޓްގެ ކޮމްޕްރެސަރ ވޭލްވަކާއި އޭނާގެ އަތުގައިއޮތް ބައު ވޭލްވެއް ބަދަލުކޮށްދިނުމަށް ދަށް ރޭންކެއްގެ ސިފައިއެއްގެ ގާތު އެދުމާ ގުޅިގެން، ސިފައިންގެ ޤާނޫނުގެ 31 ވަނަ މާއްދާގެ ދަށުން ވަޒީފާއިން ވަކިކުރިއެވެ.

ދައުލަތުން ބުނީ، ސިފައިން އަކީ 2011/HC-A/124 ގައި ބުނާ އިސްތިސްނާ ޙާލަތުގައިވާ ފަރާތެއް ކަމަށާއި، 2012/SC-C/35 އާ މި މައްސަލައާ ތަފާތަށް ރިޢާޔަތް ނުކުރާކަމަށާއި، ވަޒީފާގެ އުޞޫލުތަކާ ޚިލާފުވުމުން އިދާރީ ފިޔަވަޅު އެޅުމަކީ ޑަބަލް ޖެޕަޑީއެއް ނޫންކަމަށެވެ.

ސިފައިންގެ ވަޒީފާއިން ވަކިކުރުމާ ގުޅޭ މައްސަލައެއްގައި ސުޕްރީމް ކޯޓުގެ 2012/SC-C/35 ޤަޟިއްޔާގެ (ޑަބަލް ޖެޕަޑީގެ) އުޞޫލުތައް ތަޠްބީޤުކުރެވޭތޯ، އަދި ސިފައިންގެ ޤާނޫނުގެ 31 ވަނަ މާއްދާގެ ދަށުން ކޮމިޝަން އޮފިސަރަކު ވަޒީފާއިން ވަކިކުރުމަކީ ޤާނޫނާ ޚިލާފު ވަކިކުރުމެއްތޯ.

ދަށުކޯޓުގެ ޙުކުމް ބާޠިލު

2012/SC-C/35 އަކީ ވަޒީފާއާބެހޭ ޤާނޫނުގެ ތަރަހައިން ބޭރު ދުސްތޫރީ މައްސަލައެއްކަމާއި، ސިފައިންނަށް ތަޠްބީޤުވަނީ ސިފައިންގެ ޤާނޫނާއި ޤަވާއިދު ކަމުން މި މައްސަލައަކީ އެ ޤަޟިއްޔާއާ ތަފާތު މައްސަލައެކެވެ. ޢަމަލު ޘާބިތުވެފައިވާއިރު އެއީ 8 (ރ) އާއި ޤަވާއިދާ ޚިލާފު ޢަމަލަކަށްވާތީ ވަކިކުރުމަކީ ޤާނޫނާ ޚިލާފު ވަކިކުރުމެއް ނޫނެވެ.