އީމާން މުޙައްމަދު ވ. ޕްރޮސިކިއުޓަރ ޖެނެރަލް

ކްރިމިނަލް ކޯޓުން ފުލުހުންގެ އެދުމަށް ބަލައި ތުހުމަތުކުރެވޭ ފަރާތުގެ ބަންދުގެ މުއްދަތު އިތުރުކުރިއެވެ.

މަސްތުވާތަކެތި ބޭނުންކުރުން/ގެންގުޅުން/ވިޔަފާރިކުރުމުގެ ތުހުމަތުގައި ހައްޔަރުކުރި ފަރާތެއްގެ ވަކީލުކަން ފުލުހުން ޤަބޫލުކޮށްފައިވާއިރު، ބަންދުގެ މަޖިލީހަށް ޙާޟިރުކުރާ ތަނާއި ގަޑި ވަކީލަށް ނޭންގި ބަންދުގެ މަޖިލިސް ބޭއްވިއެވެ.

އިސްތިއުނާފުކުރި ފަރާތުން ބުނީ އަމުރަކީ ޤާނޫނުއަސާސީގެ 14 (ށ) އާއި 53 (ހ) އާ ޚިލާފު، މަތީ ކޯޓުތަކުގެ ނިންމުންތަކަށް ތަބާނުވެ، ފުލުހުންގެ ޢާއްމު ޤަވާއިދުގެ 51 ވަނަ މާއްދާއާ ޚިލާފު އިޖުރާއަތެއްގެ މައްޗަށް ނެރުނު އަމުރެއް ކަމަށެވެ. ދައުލަތުން ވަކީލަށް ތަނާއި ގަޑި ނޭންގޭކަން ޤަބޫލުކުރިއެވެ.

ތުހުމަތުކުރެވޭ ފަރާތުން ޢައްޔަންކޮށް ފުލުހުން ޤަބޫލުކުރި ޤާނޫނީ ވަކީލަށް ބަންދުގެ މަޖިލީހުގެ ތަނާއި ގަޑި ނޭންގި ނެރުނު ބަންދުގެ އަމުރަކީ ޤާނޫނުއަސާސީގެ 14 (ށ) އާއި 53 (ހ) އާ ޚިލާފު އަމުރެއްތޯ.

ދަށުކޯޓުގެ އަމުރު ބާޠިލު

ވަކީލަށް މަޖިލީހުގެ ތަނާއި ގަޑި އެންގުމަކީ ފުލުހުންގެ ޒިންމާއަކަށްވެ، އެކަން ނުކުރުމުން ޤާނޫނުއަސާސީގެ 14 (ށ) ގެ ޙައްޤުން މަޙްރޫމުވެފައިވާތީ އަމުރު ބާޠިލުކުރިއެވެ.